أيام المذاكرة ممكن يكون مش أفضل أوقات بيمر بيها الطالب المصري، لكن المذاكرة بدأت تتحول لطقس بيخفف بيه الطالب المصري العبء عن نفسه وبيحاول يحبب نفسه في المذاكرة أكثر بإنه ممكن يسمع مزيكا، فيروز أو أي موسيقى هادية في الخلفية تروق وتكسر الملل، ومايكملش الجو ده طبعًا إلا بفنجان قهوة.

القهوة مع الوقت مابقتش حل لإنها بتحتاج وقت على ما "تستوي" وتركيز عشان "الوش" وخلافه، القهوة سريعة التحضير زي النسكافية بقت هي الملجأ للطالب اللي محتاج قهوة تصحيه وتساعده على التركيز بنفس جودة القهوة العادية، وكمان سهلة وسريعة ومش بتاخد وقت.

نستله مصر قدمت نسكافية في حملة كانت الأنجح في تاريخ التعليم! أيوه، التعليم، لإنها كلمت الطالب المصري المطحون في المحاضرات والميدتيرمات في الجامعة وقدمتله اكياس علي شكل كليته (48 تصميم بيغطي كل كليات مصر) و كمان رسموا من كل كليه نسخه للبنات ونسخه للولاد.

الحملة دي نجحت عشان أسباب كثير أهمها التالي:

1- الحملة قدمت في سكتشات قصيرة مشاهد بنشوفها مع أولادنا واخواتنا في كل بيت مصري ووقت عرضها خلال رمضان خلاها وصلت لكل بيت مصري بسهولة

2- خفة دم الإعلانات خلاها بقت تريند لإن الشعب المصري بطبعه بيحب النكتة وفي رمضان بقينا بنستنى الإعلانات أكثر من المسلسلات، ده حتى الإعلانات بقت أهم في رمضان وليها سباق أهم من سباق المسلسلات ذات نفسه

3- الإعلانات وريتنا الأب اللي بيقابل عريس بنته وفي لقطة شهيرة بيسأله بيدرس إيه ولما بيشرحله التخصص البرمجة مش بيفهمه، وبيقول كمبيوتر يعني "إيه العبط ده" والعريس يبلع تلقيح الأب بالنسكافيه

4- فيه كمان الأب اللي فخور بإبنه المهندس وبيحاول يخليه يصلحله أي حاجة في البيت ومش عاوز يسمع إنه مهندس ميكانيكا أصلًا! الإعلان كان فيه الفنان هشام حسين من خريجي مركز الإبداع الفني ووجه ظهر كثير لكن علم مع الناس عشان الإفيه "مينيميني منيميني جودة" اللي بقى تريند كل الناس بتقوله لحد انهاردة.

5- اختيار تميم يونس للإخراج كان مميز كمان لإنه مخرج شاب وله تجارب على السوشيال ميديا وعارف الشباب ودماغهم وبالتالي قدملهم محتوى قريب ليهم وده اللي خلى المنتج يوصل لأكثر من 90% من الشباب اللي نسكافية معمول عشانهم

6- الدعوة اللي في الإعلان خلت شباب كثير من الجامعات هما كمان يصوروا فيديوهات وأناشيد فيها كلام من مناهجهم تخصصاتهم يعبروا عن نفسهم، كل ده كسر النمط بتاع المزاكرة وورانا إن الدكتور والمهندس كمان يقدروا يبقوا "كرييتيف" ودمهم خفيف ومش "مقفلين"

7- آخيرًا، الإعلان فعلًا عكس رؤية شركة "نستلة" وفهمهم العميق للشباب واللي بيدوروا عليه اللي هو مش مجرد مشروب لكن قهوة بروحهم العصرية والشبابية وبتشاركهم أهم مراحل حياتهم.