10 جمل رددها منى فاروق وشيما الحاج خلال الحوار الذى انفردت به دوت مصر حول اتهامهما بنشر الفيديو الجنسى مع المخرج خالد يوسف، والذى نشر مؤخراً على مواقع التواصل الاجتماعي، تسببت فى حملة واسعة من التعاطف مع المتهمتين ووصفهما كالضحايا.

منى فاروق : خالد صاحب بابا ومتربية مع أولاده

خلال الحوار بدأت منى فاروق بطريقة تعارفها على المخرج خالد يوسف، قائلة: "كان صاحب بابا وتربيت وكبرت وسط أبناءه، ولما كبرت دخلنا فى علاقة حب، وبابا كان رافض فى البداية، وبعدين ارتبطنا بعلم أهلى"، وتعد هذه من أكثر الجمل التى أثرت فى الأباء والأمهات الذين شاهدوا الفيديو لتنال جزء كبير من تعاطف من شريحة الكبار.

منى فاروق: قالى هنتجوز سر ونعلن بعدين

وأثرت هذه الجملة فى شريحة كبيرة من صغار السن، وخاصة أن هناك العديد من الضحايا للزواج السري يقعون فى هذا المأزق بسبب الوعود التى يخلفها الكثيرين.

منى فاروق : عايزة أمى تسامحنى وأخويا يرجع يشتغل

أما الجملة الثالثة التى أثارت اشفاق العديد على المتهمة، ما تسببت فيه من أزمات كثيرة لأهلها وشقيقها ووالدتها، قائلة :  "عزلت من المنطقة اللى كنت ساكنة فيها بسبب التهديدات، والعربية اتكسرت، وأهلى قاطعونى كلهم، وأمى تعبت ودخلت المستشفى، وأخويا تمفصله من الشغل، ونفسي أمى تسامحنى وأخويا يشتغل ملهمش ذنب".

منى فاروق: بقول لخطيبي أنت موجود ولا لأ.. أتمنى متسبنيش

وتسببت الجملة الرابعة لمنى فى جنى المزيد من التعاطف والتسامح، عندما قالت: "أنا خلاص بقيت لوحدي أكيد أنا فى أصعب ظروف فى الدنيا وأنا كنت هرتبط وعلمنى أقرأ قرآن وأصلى، وهو كان عايز يرتبط بيا ونسافر ونبعد عن كل الدنيا، وكان عارف كل حاجة، ومش عارفة هو دلوقتى سابنى ولا لا ، أنا كنت أتمنى إنه يكون فى حياتى ومعرفش هو موجود ولا لا ".

منى فاروق تعترف باكية أنا اللي في الفيديو

وفى نهاية الحوار تحدثت منى عن الأزمة بشكل عام، قائلة: "أنا كل الناس سابتنى محدش بقى عايز يعرفنى أنا كنت بقف مع أصحابى اللى مفيش حد فيهم جنبى دلوقتى الحمد لله، عمر ما حد قصدنى فى حاجة واتخليت عنه، وأنا هفضل شاكرة وراضية".

شيما الحاج : كلمنى قالى عايزك فى دور وارتبطنا وقالى اتأجل

وعن وسيلة التعارف بين شيما الحاج وخالد يوسف التى أظهرت حجم الابتزاز الذى تعرضت له، قالت: "اتعرفت عليه بصفته مخرج سينمائى يبحث عن وجوه جديدة، ومااشتغلتش معاه اتجوزنى 7 شهور".

شيما الحاج : سنين عمرى خسرتها فى خوف من المجهول وسمعة وحشة

وعكست جملة "اتعلمت كتير وخسرت كتير، كبرت ونضجت، وسنين من عمرى خسرتها فى خوف من المجهول وسمعة وحشة" مشاعر الندم التى سيطرت على شيما الحاج، ما أثر على الشريحة الأكبر من متابعى السوشيال ميديا والخاصة بالتوبة.

شيما الحاج: أتمني الناس تشوفنا بعين الرأفة

واستعطفت شيما الشعب المصري، قائلة: " أنا معتزلة التمثيل منذ 2014، ولكن مش عارفة إيه اللى ممكن يحصل، أنا بعتذر عن أى حاجة الناس شفتها، وبعتذر عن أى فكرة غلط وصلت لهم، لكن أتمنى أن الناس تبصلنا بعين الرأفة والرحمة وتعرف الحقيقة، أحنا استحملنا كتير".

شيما الحاج : عشنا 5 سنين فى خوف ورعب

وعبرت جملة "عشنا 4 أو 5 سنين فى خوف ورعب" عن الأذى الذى تعرضت له شيما نفسيا واجتماعياً بعد الفيديو، حيث قالت: "عشنا سنين فى خوف وفكرنا كتير نعمل أى حاجة ، لكن دايما كان بيتقال أن مفيش حاجة هتحصل، ولو أنتوا رحتوا حررتوا محضر انتوا اللى هتتأذوا، ويمكن ده كان غلط مننا، و بعتذر للرأى العام وللشعب المصرى ولأهلى، إحنا ظلمنا نفسنا أولًا، واحنا كنا ضحية".

شيما الحاج : مش طالبة غير الستر ورجعونا نعيش تانى

ورددت شيما ومنى فاروق جملة استروا علينا، ومش طالبين غير الستر فى العديد من الأجزاء بالحوار، والتى أثرت فى كل رواد السوشيال ميديا ، وكسبت الكثير من التعاطف معهما.