تعيش السيدة سمر جابر،  مع زوجها وابنتها "  فرح "  وابنها  "إبراهيم " ، فى شقة بالدور الأول مكونة من غرفة وحمام ، ولا يوجد بها أى شىء سوى مرتبة صغيرة على الأرض ، ومطبخ لايوجد فيه إلا معلقة وطبقين وحلة صغيرة ، فى حالة أقل وصف لها أنها تعدت البؤس بعدة مراحل ، فابنتها  " فرح " مصابة بمرض غامض  ، اختلف الأطباء فى تشخيصه ، وهو ما تسبب فى أن تصبح هذه الشقة بهذه الحالة ، بعدما باعوا كل ما يملوكه وتراكمت عليهم الديون على العلاج ، والأسوء من ذلك أن السيدة سمر جابر مهددة بالسجن .   

وتقول الأم: أنا تزوجت منذ 3 سنوات  ، وكانت أمورنا ماشية -  والحمد لله -  صحيح حالتنا لم تكن ميسورة ،  ولكن كنا أحسن من غيرنا بكتير، زوجى بيشتغل " نباش قمامة "   وأنا كنت بساعده وأغسل سلالم، وربنا رزقنا بإبراهيم اللى عنده دلوقتى سنتين ، وبعد كده فرح، كان عندنا كل حاجة فى الشقة بس، بنتى فرح لما كملت 8 شهور كان فى بقع بتظهرعلى جسمها لونها أحمر، رحت بيها مستشفى الحوض المرصود، وصرفولى أنبوبة مرهم وقالولى لو بنتك ما خفيتش وديها مستشفى 57357.

لمزيد من التفاصيل شاهد الفيديو التالى: