أي عيد بيبقى فرصة تحتفل وتنبسط وتزئطط.. ومفيش مانع انك تبتكر عيد جديد لأي مناسبة انت عايزها.. لكن كولومبيا عملت عيد ليها لوحدها وسمته "اليوم العالمي للكسل" متعرفش ليه اسمه يوم عالمي مع إن بلد واحدة هي اللي بتحتفل فيه.. لكن ما علينا.

الاحتفال المميز دة عبارة عن حاجة بسيطة.. مفيش رقص ولا لعب ولا موسيقى ولا كلام فارغ.. دة يوم للكسل بس.. عشان كدة طريقة الاحتفال الوحيدة بـ"اليوم العالمي للكسل" هي إنك تكسل.. لما تمشي في شوارع مدينة "إيتاجوي" في كولومبيا مش هتلاقي طريقة للاحتفال غير إنك تنام.. أه نام في الشارع لأن في ناس كتير هي كمان بتعمل نفس الحاجة.. والنشاط الوحيد هي إنك تاخد صورة سيلفي.. ولو قلقان فالنوم مش على الأرض لكن بيبقى على سراير أشكال وألوان.. مفروشة في الشوارع.

وممكن تجيب لعبتك المفضلة معاك

ليه كولومبيا عملت اليوم العالمي للكسل من غير ما حد تاني يحتفل له؟

أي حد ممكن يقولك فوايد النشاط لكن مش أي حد هيقولك فوايد الكسل.. كولومبيا شايفة إن اليوم العالمي للكسل هدفه هي الحرب على التوتر والعصبية.. عشان تعرف تعيش يوم مرتاح من غير قلق ولا هموم من أي نوع.

تقدر تقول إن الكسل في أحسن الأحوال ممكن يبقى لايفستايل مش عادة سيئة.

من فوايد الكسل برضه إنه ممكن يخلي شخصيتك قوية وتقول لأ لأي خروجة مش على مزاجك

والتأخير نفسه في أي خروجة هيبقى حجة عشان تقول نكتة زي دي

لو بتكسلي تحطي مكياج .. تقدري بسهولة إنك تقوي شخصيتك وثقتك في نفسك وتقولي أنا حلوة ع الطبيعة.

سيبك إنك مش عارفة هي البنات اللي بتحط مكياج كتير بتلاقي وقت وجهد ازاي.

وهيخلي أحلامك ليها شكل تاني

وهيجدد علاقتك بالسرير وأوضة النوم اللي بتوحشك طول الأسبوع

وخصوصا لو كنت مكسل في يوم أجازة.. هنا محدش من حقه يحركك من مكانك

وهتعمل تمارين برضه بس لعضلات تانية خالص

كمان هترجع تفتكر القعدة الكلاسيك دي اللي كانت وضعك الأساسي قبل الدراسة والشغل وصحاب السوء اللي بيخلوك تتفسح.

وهتعرف تتجاهل الناس كويس

ولو الكسل دة حالة جماعية في البيت يبقى يوم عيد بحق وحقيقي .. انت مش لوحدك

ميزة كمان هي إنك هتتعلم الاكتفاء الذاتي ومش كل شوية تقوم من مكانك عشان تستورد أكل من المطبخ

الشمس والصحيان الصبح ملهومش أي تأثير عليك

حتى لو أنت مضطر تقوم وتنضف هتلاقي مخك عنده اختراعات وحيل قد كدة تخليك تبذل أقل جهد

يعني تدلع نفسك وبس

وعلى وضعك يا معلم بالقوي

وهابي ليزي داي بقى

لو عجبك الموضوع دة وحبيت تشوف زيه ويمكن أحسن خش هنا

قط بلدي