بلاي ليست.. الموسيقار فريد الأطرش 

ودنك هي حلقة الوصل بينك وبين العالم.. يعني لازم تهتم بيها وتقدرها أكتر من كدة على فكرة وهي مطالبها سهلة وبسيطة.. يعني مش هتطلب منك تخرجها ولا تأكلها ف مطعم غالي كل اللي هي محتاجاه إنها تتسلطن وتسمع حاجات تنعشها وتفرفشها من فترة للتانية.. وبما إن مهمتنا هي إسعاد ودان كوكب الأرض.. ف قررنا نفضي نفسنا كل يوم حبة عشان بس ننقيلك الحاجات اللي تفرفشها وتنعشها..

وكل المزيكا الجميلة دي هتلاقوها بكل الأذواق والمقاسات ف أكتر من بلاي ليست ف قسم المزيكا عندنا.. وأكيد هتلاقي اللي يناسب ودنك ومزاجك

هو الأمير فريد فهد الأطرش أتولد في جبل الدروز بسوريا وبسبب ظروف الحرب هربت بيه والدته هو وأخواته فؤاد وآمال "اللي بقى أسمها أسمهان بعد الشهرة" من سوريا وجم على مصر بسبب الفرنساويين اللي كانوا بيطاردوهم في كل حتة.. وجودهم في مصر فتح ليهم المجال عشان يتعلموا الموسيقى والفن ويشقوا طريقهم فيه اللي كان صعب جدا ف البداية..

درس فريد الموسيقى في معهد الموسيقى وبدأ مشواره الفني زيه زي كل أولاد جيله في كازينو بديعة مصابني اللي وشه حلو على كل الفنانين اللي اشتغلوا فيه.. قدم فريد الأطرش 31 فيلم للسينما دة غير مئات الأغاني والألحان ولقبوه بملك العود وموسيقار الأزمان.. والنهاردة جمعنالكم بلاي ليست من أجمل وأنجح أغاني فريد الأطرش.. إستمتعوا