إحنا بنعتبر اليابان مش مجرد دولة وإنها كوكب منفصل عن العالم كله .. والفكرة دي مجتش من فراغ .. يعني جرب كدة تكتب اليابان على جوجل وشوف ماسورة الإنبهارات والإختراعات اللي هتظهرلك  .. حاجة ملهاش حدود ف تقدر تعتبرها أقرب مثال للمدينة الفاضلة بتاعت أرسطو  .. دة حتى الدولفين منفدش من إختراعاتهم وعملوله كرير شيفت وحولوه من سمكة غلبانة بتسبح ف المية لزرعة بتسبح ف الطين.. ودة يثبتلك إن دوام الحال من المحال ومحدش ضامن لو راح اليابان ممكن يتحول لأيه..

النبات دة اسمه "سينرجيو بيرجرينوس" وبغض النظر عن اسمه العجيب تقدر تعتبره صبار .. قدرت التكنولوجيا الحديثة ف علم النبات إنها تحول شكل الزهور بتاعته لشكل الدولفين.. بس دي مش المرة الأولى اللي يتدخل فيها العلم ف إنتاج نباتات على شكل سمك أو حيوانات .. فمثلا هتلاقي نباتات على شكل أرانب فواضح إن العلم ديما بيبهرنا .. 

وأجمل مرحلة لنبات الدولفين لما الزهر بتاعه بيفتح بتبقى حاجة ترد الروح وسووو كيوت.. ف لو عجبك ممكن تجيبلك منه زهريتين تحطهم ف أوضة المسافرين..

الخلاصة .. 

الحياة مليانة إنبهارات متخلصش .. أهم حاجة تكون كوول ورايق ومستعد ديما للإنبهار الجاي لإن الحياة ديما ديما بتفاجئنا .. أوريفوار