كلمة سرقة بنوك حاجة تخليك مجرم محترم وفي نفس الوقت غني.. دة غير طبعا انها قصة فيلم محترمة.. بس لو بعدنا عن الافلام والحكايات هنلاقي قصص سرقة بنوك حقيقية تشيب.

 

 

 

 

في 2 يوليو 1987 كان في حرامي ايطالي عايش في بريطانيا اسمه فاليريو فيتشي وكان هربان من 50 تهمة في بلده كلها تهم سطو مسلح .. وفي لندن دخل هو وواحد صاحبه بنك نايتسبريدج وطلبوا يأجروا خزنة .. وأول ما موظف البنك وراهم الاوضة اللي فيها الخزنة .. طلعوا المسدسات وضربوا حارس البنك وعلقوا يافطة على الباب بتقول مغلق للصيانة.. وهما جوا كوشوا على 98 مليون دولار حتة واحدة وهربوا لأمريكا الجنوبية .. الغريب انه اتقبض عليه لأتفه سبب ممكن وهو انه رجع بمزاجه لبريطانيا بس عشان كان عايز يجيب عربيته الفيراري .. وطبعا ساعتها اتقبض عليه بسهولة وإترحل لإيطاليا سنة 1992.. وحظه الاسود انه اتقتل سنة 2000 برصاصة وسط خناقة في السجن وقبل يوم واحد بس من الافراج عنه.. حظ اسود بجد.

 

 

 

 

 

 

دي رواية مشهورة في الصحف الأجنبية عن صدام حسين رئيس العراق السابق واللي في بدايات حرب العراق سنة 2003 كان بيحاول يرتب خروجه هو وأهله وقت اللزوم.. عشان كدة امر ابنه قصي بسرقة مليار دولار من البنك المركزي وحسب كلام BBC  الكلام دة حصل قبل ما امريكا وبريطانيا يبدأو ف قصف بغداد.. 

ومحدش عارف الفلوس اتعمل بيها ايه لكن بعد كدة الامريكان والبريطانيين لقوا 3 عربيات لوري جنب القصر الرئاسي في بغداد وجواها 650 مليون دولار .. ودي كانت اكبر سرقة لبنك في الشرق الاوسط كله.

 

 

 

 

 

 

دي كانت اول سرقة بنوك في استراليا وحصلت سنة 1828 والحكاية ان عصابة من 5 افراد اقتحموا بنك استراليا بالطريقة الكلاسيك - حفروا نفق طبعا - وسرقوا 14 ألف جنيه بس .. المبلغ دة كان ثروة زمان .

 

 

 

وقدروا فعلا يهربو .. لكن الخيانة وحشة لأن البوليس قبض عليهم لما واحد من الخمسة اسمه بلاكستون بقى مخبر لحساب البوليس كسبوبة جانبية ليه كدة.

 

 

 

 

زي ما هو واضح من الاسم دة البنك بتاع المانيا النازية وكان البنك المركزي لحد اخر الحرب العالمية الثانية .. وف سنة 1945 كان شبه مؤكد ان المانيا خسرانة خسرانة ف مجموعة من ظباط قوة العاصفة نهبوا 3 مليار دولار دهب في قطر سكة حديد وإختفوا .. وكل كام سنة يطلع مستكشف ويقول انه لقى خريطة تقول ان الدهب موجود على حس السرقة دي ويطلع الموضوع فشنك.

 

 

 

 

 

 

دي سرقة حصلت بدوافع سياسية ف سنة 1906 لما مجموعة من الاشتراكيين من لاتفيا سرقوا بنك روسي موجود في فنلندا .. قال ايه..عشان العصابة كان عندها ميول ثورية وكانوا عاوزين يمولوا الشيوعيين ف روسيا .. وقتلوا حارس البنك وسرقوا 170 ألف روبل - حوالي 1.8 مليون دولار دلوقتي - وبعدها وهما بيهربوا

انضرب عليهم نار ومات 3 منهم والباقي وصلوا الفلوس للحزب البلشفي اللي بعد كدة هيأسس الاتحاد السوفيتي ذات نفسه بالفلوس دي.

 

 

 

 

 

 

دي سرقة بنوك تشبه فيلم لصوص ولكن ظرفاء.. الحرامية هنا اشتروا بيت قريب من البنك في البرازيل سنة 2005 وحفروا نفق طوله 100 متر لمدة 3 شهور 

 

 

 

والحظ الحلو انهم كسروا الحيطة اللي فيها الخزنة ونضفوها والبوليس معرفش يقبض إلا على 8 بس من 25 حرامي .. اما زعيم العصابة نفسه فاللي مسكوه كانوا حرامية تانيين وقتلوه ومحدش يعرف الفلوس راحت فين.