شن الداعية الإسلامي، الشيخ خالد الجندي، هجوما حادا على الإعلامية ريهام سعيد، اليوم الجمعة، واصفا إياها بفتاة الشيزلونج، ردا على تصريحاتها في برنامج مصارحة حرة مع الإعلامية منى عبدالوهاب على قناة ten، عندما قالت: "الشيخ خالد الجندي شاغل نفسه بالبرامج أكثر من الدين".

وأضاف الجندي خلال برنامجه نسمات الروح على شاشة الحياة، قائلا: "حضرتكم طبعا فاكرين فتاة الشيزلونج دي ذات الأربعين وجه، اللي بتطلع مرة مع العفاريت، ومرة على عربية أمن مركزي، ومرة تطلع بتحفر في قناة السويس، واللي بتطلع رقاصة في مسرحية، وبتطلع ممثلة بسيجارة في تمثيلية، وتلاقيها في الصعيد عمالة بتضحك على الناس الغلابة هناك، وتقولهم بيوتكم اتحرقت من العفاريت والجن، اللي دايما بتقعد وحطة رجلها فى وش المشاهدين".

واستطرد الجندي قائلا: "فتاة الشيزلونج دي ليها تعليق غريب أوي استوقفني، بتقولك إن المفروض الشيخ يخليه في الدين وما يعلقش على البرامج التانية، متخيل إنت حضرتك لما الرقاصات ينصحوا الشيوخ بشغلهم، أمر يدعو إلى العجب، حضرتك مش عاتقة أي قضية غير لازم تقول رأيك فيه، ولم تتركي أي قضية فى التاريخ إلا وقمت بإبداء رأيك فيها".

وتهكم الجندي علي ريهام لعدم نطقها اسم الإمام ابن تيمية بشكل صحيح، مشيرا إلى أنها تستشهد به وتقول الشيخ ابن تميمة، قائلا لها: "ابن تميمة حضرتك ده في البلاي ستيشن".

ختم الجندي: "الأعمال الخيرية العظيمة اللي بتعمليها دي ربنا يجازيكي خير عليها، لكن عشان ربنا أكرمك بقناة تطلعي عليها، تقومي تستضيفي شواذ، وسحاقيات وتدخليهم بيوت الناس، هل هذا يرضي الله، إحنا طالبين منك إنك تبقي إعلامية تخدم المجتمع، ونتوسل إليكي اتقي الله فينا، وخصوصا فى رمضان، عايز شهر نظيف تماما".