شن الإعلامي عمرو أديب، السبت، هجوما حادا على لاعب الأهلي المعتزل محمد أبوتريكة،على خلفية صدور قرار لجنة حصر أموال الإخوان بالتحفظ على أمواله، كونه أحد ملاك شركة سياحية تدعم الجماعة.

وقال أديب عبر برنامجه "القاهرة اليوم" على شاشة "اليوم": "أبوتريكة شخص مؤدب ومحترم جدا، ولا خلاف عليه في ذلك، ولكن اللي بيضايقني يكون في ناس عايشة معانا ومش مبينة إنها إخوان، ودي الناس اللي أخدنا منهم خوازيق تلاتات تلاتات، وأنا أحترم المرشد والعريان جدا، لأنهما اعترفا بلأنهما إخوان ولم ينكرا ذلك".

واستطرد: "لا أبو تريكة عايز يقول إنه إخوان، ولا عايز يقول إنه مش إخوان، إنت ليه يا كابتن محمد مبتقولش إنك إخواني؟، وطبعا لو أبو تريكة اعترف إنه إخواني مش هيعمل إعلانات، كوكاكولا ولا فودافون ولا اتصالات".

وسخر أديب": "أكيد أبوتريكة ما كنش يعرف إن الشركاء إخوان، وأكيد شركاؤه شاركوه لكفاءته في مجال السياحة، لو راجل قول إنت إخوان ولا لأ، لكن مش هتقدر تقولها".