اشتهر فنان المونولوج والنكت المصري حمادة سلطان، بترديده مقطعا موسيقيا بعد كل نكتة، هو: "تنترلالام تن تن"،  ما حقق له شهرة واسعة في العالم العربي، فكان أبرع من يلقي النكت، ويقلّد الفنانين، وصاحب فقرة أساسية في الحفلات الفنية، خاصة حفلات أضواء المدينة.

يرصد "دوت مصر" أشهر نكت محمد سلطان.

محاسب دخل كلية الطب البيطري،  طلع منها مأمور زرايب.

مرة طبيب بيطري راح يتجوز، أهل العروسة سألوه: إنت طبيب مشهور؟  رد عليهم: آه، مفيش حمار ما يعرفنيش.

جزمجي أخلاقه ضاقت، ادّاها لأخوه.

واحد صعيدي جاب عربية مرسيدس،  عايز يهرّبها من الجمرك، كتب عليا 128 مرسيدس.

واحدة خلّفت طفل أنابيب،  طلع بينفّس.

ظابط في سلاح المدفعية، اتجوّز واحدة، خلف منها 3 في طلقة واحدة.

مرة واحد فلاح نفسه يروح القاهرة، فتح الراديو سمع المذيعة بتقول "هنا القاهرة"، قعد على الراديو.

مذيعة في قناة فضائية، ابنها طلع الأول على مدرسته، شفّرته.

واحد صعيدي رمى يمين الطلاق بالتلاتة على مراته،  طلقة منهم ماجتش فيها.

كبابجي بيتجوز، دخل أوضة نومه، لقى حماته فارشة بقدونس على السرير.

مرة قنبلة وقعت على قهوة،  طلعت بن.

مرة واحد قال لبنته جالك عريس لقطة، ردت عليه: ما أقدرش أسبب ماما لوحدها، قاللها: خديها معاكي.

اخترع جهاز للكشف عن اللصوص والبلطجية، راحوا بيه الصين، فاكتشفوا   500 مليون حرامي، وفي الهند اكتشفوا بيه مليون بلطجي، وفي أمريكا لقوا  100 مليون حرامي، ولما جم بيه مصر، الجهاز اتسرق!

رحل  حمادة سلطان، صباح اليوم الثلاثاء، في مستشفى الجلاء، بعد صراع مع المرض، عن عمر يناهز الـ73 عامًا، ومن المقرر دفنه في مقابر الغفير.