شن الإعلامي جابر القرموطي، هجوما حادا على حكومة المهندس إبراهيم محلب، بسبب أزمة أنابيب البوتاجاز، فيما عرض القرموطي مقطعا لفيديو لاشتباكات بين الأهالي أمام أحد مستودعات الأنابيب، بمحافظة أسيوط، قائلا "الواحد بقى أنبوبة من كتر الكلام في الموضوع ده، وخايف ينفس".

وأضاف القرموطي عبر برنامج "مانشيت"، على شاشة أون تي في، اليوم الأربعاء، "فيه إيد خفية بتلعب في قضية أنابيب البوتاجاز، ومش عايز حد يقولي الإخوان، إحنا محتاجين قدر من النظام والترتيب، ومينفعش العشوائية دي، فيه مافيا بتسيطر على سوق أنابيب البوتاجاز في مصر، ووزير التموين يطلع يقول لك كل شيء هيبقى تمام طيب إمتى".

وتابع قائلا "مش معقول كده يا فندم هنفضل كده لإمتى في مشكلة الأنابيب، كل سنة نقول مشكلة الأنابيب مشكلة الأنابيب، الواحد بقى أنبوبة من كتر الكلام في الموضوع ده، وخايف ينفس، حرام الجلدة بتاعت الواحد قربت تطلع، في ناس بتيجي لنا أمام مدينة الإنتاج الإعلامي عايزة أنبوبة، وواقفوا على الباب وإحنا خارجين يقولك عايزين أنبوبة".