تقرير- آدم سعيد: 

 "كريم ماريو"، أحد مؤلفي أغاني المهرجانات، يبلغ من العمر 25 سنة، وبدأ في كتابة أغاني المهرجانات عام 2008، وهو متخصص بشكل كبير في الكتابة لفريق "المطبعة".

أجرينا حوارا مع "ماريو" لمعرفة خبايا أغاني المهرجانات.. وإليكم نص الحوار:

مين أول حد كتبت له؟
تيم مطبعة 

كتبت لهم إيه؟
كتبت أنا وإسلام حجازي مهرجان "الدنيا شمال" توزيع مصطفي ماندو، وغناء محمود العمدة، وبعدها كتبت مهرجان "قول يارب" لمحمود العمدة وكانت توزيع مادو.

إشمعني أغاني المهرجانات بالذات؟
بنوصل من خلالها اللي عايزينه بأسلوب جديد.

"لست وحدك حبيبها".. المهرجان ده فكرته جت منين؟
الإفيه بتاع الأغنية طلع وأنا قاعد مع "محمود مطبعة"، والفكرة كلها دايرة علىواحد بيتكلم على البنات.
 

 

 

 

 

 

 

 

 

 

     00:00           

 

 

 

 

 

 

 

 

 

 

 

00:00

 00:00 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

         

         

 

بتاخد وقت أد إيه في كتابة المهرجان؟
لو الفكرة جاهزة ممكن أخلصها في 10 دقايق أو في ربع ساعة.

بتعر ض على المغنيين الفكرة ولا هما اللي بيطلبوها منك؟
 في الأول كنت بعرض عليهم الأفكار، وكان كل واحد بتعامل معاه كان له طريقة تفكير وأسلوب مختلف، بس حاليا مع تيم مطبعة، بنقعد كلنا ونختار الفكرة ونشتغل عليها.

ليه دايما في تباهي بالذات في المهرجان، وكمان إيحاءات؟
في الأول كان في إيحاءات فعلا، أما عن التباهي بالذات كل واحد بيتكلم عن ذاته وبيقول مميزاته في تراكه، وبتبان شخصيته عن طريق كلامه والأداء بتاعه.

إيه أكتر حاجة كتبتها وبتحبها؟
مهرجان الدنيا شمال 

هي دي تجربة شخصية؟

لا بس أنا كنت حاسس الموضوع جداً.

إنت ناوي تكمل في الكتابة للمهرجان بس؟
والله لو ظهر ستايل تاني هشتغل فيه، لكن اللي بيكتب في العموم مش بيوقف نفسه على نوع معين، بس المهرجان بالنسبة لي أسهل طريق نوصل كلمنا به للناس.

شايف المهرجانات إزاي كمان 5 سنين؟
لازم يكون في تطوير في المزيكا والأداء عشان يعيش، لكن لو فضل كده مش هيستمر.

في البيت عندك شايفين كتابتك للمهرجان إزاي؟
في الأول كانوا بينتقدوني ويهاجموني، بس لما لاقوا إن الموضوع تمام وشغال، والناس بتسأل سابوني على راحتي، وكمان بقوا بيسألوني عملت إيه جديد.