<p dir="RTL"><span style="font-size:20px;">قدم الإعلامي أكرم حسني، الشهير بشخصيته الساخرة سيد أبوحفيظة، دليل الشتا بعنوان "قواعد الشتا العشرين"، موجها مجموعة من النصائح للمواطنين، بسبب موجة البرد التي تمر بها مصر الآن، مؤكدا على "في الشتاء اللي عنده في الدولاب  كالسون.. أحسن من اللي عنده في البنك مليون، وأسلحتك في البرد هي اللكلوك، والجوانتي ويفضل من غير صوابع علشان الموبيل التاتش، والآيس كاب، والليمون بالعسل".<br /><br />وكان من ضمن نصائحه أن الشتاء سيجعلك في حالة مزاجية تشعرك بإنك اتظلمت، وظلمت أشخاص كثيرة، وحبيبتك خانتك حتى لو أنت مش مرتبط، فاستعيذ من الشيطان لأن الحالة دي ممكن توصلك لا قدر الله لأغاني مصطفى كامل.<br /><br />وأضاف أبوحفيظة، </span><span style="font-size: 20px; line-height: 32px;">عبر برنامجه "أسعد الله مساءكم" الذي يعرض على شاشة "</span><span dir="LTR" style="font-size: 20px; line-height: 32px;">MBC </span><span style="font-size: 20px; line-height: 32px;">مصر"</span><span style="font-size:20px;">: "أقسم بالله العظيم كلنا عارفين إن إسكندرية حلوة في الشتا"، كما قدم نصيحه للشباب، قائلا: "لو حبيبتك سقعانة، بلاش تقلد محمد فؤاد في كليب لو عايز تفتكرني، وتديها الجاكت بتاعك علشان فؤاد فضل نايم في السرير طول الكليب".<br /><br />وأوضح: "من الطبيعي أن المواطن يخرج من منزله صباحا مرتديا كل ملابسه، ويعود الظهر حاملا كل الملابس الذي كان يرتديها"، مؤكدا: "الشتاء في مصر معروف بأنه حار نار ظهرا ثلج ابن جذمة صباحا".<br /><br />ووجه حديثه للفتيات اللاتي يرتدين فساتين قصيرة في الشتاء، متسائلا: "إيه لا بجد.. مش كده يعني؟"، أما القاعدة الثامنة فكانت من نصيب الأشخاص قصيري القامة، التي قال فيها: "بوس إيدك وش وضهر، لأنك اترحمت من أكبر معاناة في الشتاء، وهي البطانية بالطول ولا بالعرض".<br /><br />ونصح أبوحفيظة الجميع قبل الدخول تحت البطانية، "عليك التأكد من أن ريموت التليفزيون معك، وأنك شربت كمية مناسبة من المياه"، مشيرا إلى: "لو مامتك من الناس اللي بتشيل الغطاء عنك فجأة اطلب من أبوك يطلقها".</span><br /> </p>