بتغنى وتنور.. "دينا" صممت عروسًا محجبة لرمضان بفستان خيامية مبهج
الأحد، 05 فبراير 2023 03:30 م
تصميم دينا
دميات من تصميم ديناتحدثت دينا جمال، الحاصلة على بكالوريوس خدمة اجتماعية جامعة حلوان، عن حبها للفن وتصميمها للدمية حيث قالت لـ"اليوم السابع": "أنا فنانة تشكيلية شاركت فى أكثر من 20 معرضًا جماعيًا ورشحت من قبل الجامعة بأكثر من منحة فى كليات الفنون الجميلة والفنون التطبيقة، ودرست تصوير فوتوغرافى ونحت وصناعة حلى وغيرها وهذا سبب تفوقى فى المجالات الفنية وبعد التخرج في الجامعة بدأت اهتم بتفصيل الملابس وتصميم فساتين الدمى".
دمية أخرىتابعت: "أنا بحب الموضة جدًا وبرسم اسكتشات أيام الجامعة لموديلات لكن بعد التخرج بدأت أشترى أقمشة وأغامر بيها قص وخياطة وأحاول كتير أصمم بيها فساتين وكنت بفشل أحيانًا لحد قدرت أصمم موديل كل اللى كان يشوفوه يسألنى اشتريته منين، وبدأت أتشجع وأشترى قماش وأفصل".
دينا مع الدميةوعن فكرة تصميم عروسة رمضان، قالت دينا: "فكرت في تصميم عروسة رمضان خاصة ليا، وبدأت أصمم إكسسوارات للعروسة ولبستها حجاب، وعجبت صحابى، وده شجعنى أنزل أول مجموعة منها وبدأت أطور في العروس وركبت ماكينة صوت في العروسة بتغنى أغانى رمضان زى "وحوى يا وحوى" و"رمضان جانا".
عرايس تصميم ديناواجهت دينا بعض الصعوبات خلال تصميمها للعروس، والتي تحدثت عنها قائلة: "الصعوبات اللى قابلتنى هي إنى كنت محتاجة أضيف أغانى رمضانية وأخلى العروسة تنور، ودورت وبحثت كتير لحد قدرت أوصل لماكينة مستوردة بتغنى وتنور وللأسف مكونات العروسة مش مصرية 100%، ماعدا فستانها وإكسسواراتها مصرية".
عروسة أخرىوختمت دينا حديثها معبرة عن أمنيتها التي تحلم بتحقيقها في المستقبل، حيث قالت: "بحاول أطور فى شغلى طول الوقت وأعمل كوليكشن مميز أكتر ويكون بطابع مصرى مبتكر".
عروسة
