تحدثت سلمى سرور، الطالبة فى المعهد العالى للكونسرفتوار، عن مشاركتها فى العزف بأغانى فعالية افتتاح طريق الكباش العظيم، حيث قالت لـ" اليوم السابع": "طبعاً شرف ليا إنى تم اختيارى من ضمن العازفين اللى اشتركوا فى تسجيل موسيقى الأغانى اللى اتعزفت فى افتتاح طريق الكباش، زى أغنية الأقصر بلدنا والأنشودات الفرعونية".

وعن كواليس التحضير لأغانى فعالية افتتاح طريق الكباش العظيم، قالت سلمى "الحمد لله مفيش صعوبات واجهتنى فى تحضير وتسجيل الأغانى، والتسجيل استغرق يوم واحد وكان فى خلال 4 أو 5 ساعات وده وتريات بس، ده غير الإيقاع والكورال وكل ده".

وتذكرت سلمى مشاركتها فى العزف بفعالية موكب المومياوات الملكية، وقالت "المايسترو نادر عباسي والموسيقار هشام نزيه اختارونى للعزف فى الحفلة التاريخية، واستعديت للحفل بالمذاكرة كويس والتدريب، كنت فخورة جدًا إنى نلت شرف العزف في حفل مهم وتاريخى، وكبير زى ده، وماحسيتش بتوتر خالص الحمد لله وأنا بعزف، واتخضيت من ردود أفعال الناس على السوشيال ميديا على إعجابهم بعزفى، لأنى مكنتش متوقعة إنهم يعلقوا على عزفى، كنت مستنية رد فعل الناس فى مجال الموسيقى، لكن اتفاجئت بإعجاب الناس وكلامهم عنى وده بسطنى جداً".

وتحلم سلمى بتحقيق الكثير والكثير، والذى عبرت عنه قائلة :"حلمي إني أكمل وأدرس بالخارج، وأرجع تانى مصر أنقل خبراتى لولاد بلدى عشان أفيدهم".

سلمى أثناء عزفها فى حفل موكب المومياوات

سلمى مع المايسترو نادر

صورة أخرى لسلمى مع المايسترو نادر

صورة أخرى لسلمى