فريال 

قالت فريال: "بدايتي مع الرسم والتلوين كانت من صغري، وتخصصت في فن صناعة "الماسكات" وانا عندي 18 سنة بدأت فيه واخترته هو بالذات، لأني لما كنت طفلة كنت بتفرج علي العروض والحفلات اللي بيتلبس فيها "الماسكات" وكنت بفضل أفكر لبسوها إزاي ومعمولة إزاي وأشكالها الجميلة اللي مفيش ليها نهاية عشان كدة قررت أكون من صناعها". 

أكملت فريال: "الأدوات بتبقي عبارة عن مواد خام مثلا الإسفنج والقماش بأنواعه وأدوات بقص بيها ذي الكتر مثلاً، وطبعًا بتحصل اصابات كتير وقت الشغل بس كله يهون اول ما الشكل يبدأ يبان وفرحة أهلي بالشكل النهائي".

 شخصيات ديزني من صنع فريال 

شخصيات ديزني

وتابعت: "بعمل كل الأشكال زي شخصيات ديزني المختلفة بألوانها اللي بيحبها الكبير والصغير وبعمل شعارات للشركات والمحلات" نجحت فريال فى عملها وأتقنته بشكل لافت للأنظار حتى إنها تقول: "نفذت بالفعل اشكال كتير سفرت برة مصر، زي أمريكا وكندا والإمارات والأردن وهولندا وجوا مصر في مختلف المحافظات". وأوضحت "كنت استغرب اوقات ألاقي تليفون من برا مصر، بطلب أحد الشخصيات ونتفق على وقت للاستلام".

منحتها هذه الخطوة دفعة كبيرة للاستمرار فقالت: "ده يخليني أحب الشغل اكتر وابقي عايزة أدي فيه أكتر وقت ومجهود، ده غير المتعة اللي هي وقت التنفيذ وأزاي مواد خام أوليه تتحول لشكل جميل الكبار والصغيرين يحبوه ويتبسطوا لما يشوفوه". وعن الدعم الأسري قالت: "ماما واختي اوقات يساعدوا معايا".

 شخصيات ديزني

أوضحت فريال أن دراستها مختلفة تمامًا عن مجال عملها حاليًا، فهي تخرجت فى كلية الآداب قسم عبري، ولكنها فضلت العمل بموهبتها أكثر وهي صنع "المساكات" الخاصة بشخصيات ديزني، وأضافت فريال أنها تحب كل أعمالها، وأن اختلاف الأشكال يقتل الروتين، ويعطيها دائما إحساس التحدي لصنع نفس الشكل بالتحديد أو الشكل الأقرب إليه.

 شخصيات ديزني