محمد رشاد عن زفافه: "شفت شماتة فى أكثر يوم كنت بستناه"
الإثنين، 14 يناير 2019 02:20 م
شارك الفنان محمد رشاد صورة له من تحضيرات حفل زفافه وصورة لخطيبته الإعلامية مى حلمى بفستان الزفاف على موقع التواصل الاجتماعى "أنستجرام" بعد إلغاء حفل زفافه .
وكتب محمد رشاد على الصورة أنا شفت شماتة فى أكثر يوم كنت بستناه مع أكثر بنت جبيتها فعمرى كله وكنت بحسها بنتى وحبيبتى وصاحبتي، طبعا من وقت المشكلة اللى حصلت اليوم دا لحد انهاردة.
مؤكدا أنه استفاد كتير من اللى حصل حواليا، أولهم أن ناس كتير ممكن تبين فرحتهم وهما مش فرحانين ليك من قلبهم دا تمثيل، ووقت المشكلة بيتحول الفرح لتصفية حسابات على حساب أى حد تانى حاجة.
وأشار "ناس كتير بالذات فى مجالى هتبين أنهم أصحابك وبيحبوك وعايزين يفرحوك ووقت السبق هتلاقيهم أول ناس بيستغلوا الخبر عشان محدش يسبقهم ويبقوا أوائل الناس حتى لو بكدا بيخوضوا فى تفاصيل حياتك الشخصية حتى لو بالكدب، فى الأخر مش هيفضل غير اللى بيحبك و بيتمنالك الخير.
وأختتم كلامه "الناس وآرائهم مش هيكملوا معاك حياتك بس اللى بيحبك وعايزك معاه هوا بس اللى هيفضل اتمنولنا الخير و لكم المثل يارب.
