تعرف على حظك اليوم ل برج الأسد مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الأسد عاطفياً

( الكراش والإكس والبوي والجيرل فريند والجوز والزوجة والقرايب ):

الحب بيقتله الغرور وبيقتله برضة انك تبقى قاعد مستني ومبتعملش اي إجراء فعال لمجرد انك شايف انك مش المفروض تبتدي بأي حاجة وان دة ممكن يقلل منك.. خد بالك من الكلام دة كويس ياريت عشان متخسرش حد بيحبك.. الحب مش معناه ضعف ياباشا.. ابدا يعني.. القلب القوي هو اللي بيقدر يحب مش بيكتفي بتثبيت اللي بيحبه وخلاص..

حظك اليوم برج الأسد عملياً 

( الشغل والمذاكرة والتخطيط لبكرة ):

بتتصرف حسب ما دماغك بتقولك وبس وبتتجاهل كل العلامات والاشارات والتحذيرات طول الوقت.. قشطة براحتك.. انتا حر بس مترجعش تشتكي ف الاخر بس.

حظك اليوم برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة زي الفل ومنتعشة وتمام جدا.. حاول تستغل النشاط والطاقة دي ف الخير بقى على قد ماتقدر.. خصوصا لو كان خير مشترك ليك وللعالم المحيط بيك..

حظك الغذائي:

غذائيا النهاردة تقدر تتجه للسمين والعكاوي والممبار والكفتة وشوربة الكوارع.. اما لو مبتحبش الحاجات دي ف تقدر دايما تقف تعملك بيضيتين ف شوية بسطرمة مع فلف اخضر ودمتم..

شعارك اليوم:

مادامت انا موجود ستكون ثاني افضل الموجودين..

لونك اليوم:

أخضر غامق..

إعرف توافق برج الأسد مع باقي الأبراج النهاردة

متوافق مع الابراج الفشكولية والباراكودية والسمكمكية والهوائية والنارية والهوائية..

من مشاهير برج الأسد 

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.