إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

"كسر بخاطرها الصبح كسرتله فوانيس عربيته الجديدة بالليل".
قصة حزينة قصيرة جدا

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل الخميس 15/2/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

الصراع على الفلوس مش مهم.. انما لو على اكل هيبقى منطقي حبة بالنسبالك النهاردة..

برج الحمل عملياً

( الشغل والمذاكرة والتخطيط لبكرة ):

الفلوس مش كل حاجة اه بس ممكن تسهلك الطريق لكل حاجة..

برج الحمل صحياً

( نفسيا وجسمانيا وكل مايخص طاسة المزاج ):

صحيا النهاردة انتا محتاج تبطل نكد وهروب من مواجهة نفسك بالنكد اللي بتعمله

إعرف توافق برج الحمل مع باقي الأبراج النهاردة:

متوافق مع الابراج الحسواكية والفرفورية والحنتوسية والبرمائية والنارية والهوائية..

إعرف حظك اليوم برج الثور بالتفصيل الخميس 15/2/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

متفتحش صدرك اوي للدنيا النهاردة عشان انتا من جواك غلبان وطيب وكلنا عارفين كدة كويس

برج الثور عملياً

( الشغل والمذاكرة والتخطيط لبكرة ): 

حاول متنكرش كونك طيب عشان مسيرك هتتكشف..

برج الثور صحياً 

( نفسيا وجسمانيا وكل مايخص طاسة المزاج ):

صحيا النهاردة انتا تمام وزي الفل.. اضرب بس عصير قصب ولا حاجة بالنهار..

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والمائية والنارية والبرمائية..

إعرف حظك اليوم برج الجوزاء بالتفصيل الخميس 15/2/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

إعمل نفسك مش فاكر حاجة لو اتفقست النهاردة.. وإنكر كل حاجة.. كل حاجة..

برج الجوزاء عملياً 

( الشغل والمذاكرة والتخطيط لبكرة ):

قلل حبة من المرازية ف الناس ومن التعالي عليهم عشان انتا برضة من ضمن الناس على فكرة وبتغلط وبتعك زيهم تمام ف كل حاجة

برج الجوزاء صحياً 

( نفسيا وجسمانيا وكل مايخص طاسة المزاج ):

صحيا النهاردة مهم تعمل اي نشاط رياضي من اي نوع انشاالله تنشر الغسيل على الحبل

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والنارية والترابية والهوائية..

إعرف حظك اليوم برج السرطان بالتفصيل الخميس 15/2/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

إبعد عن المية الساقعة النهاردة ف كل حاجة ياريت وخصوصا ف الناس الباردة اللي مبتعرفش وبتكسل تعبر عن مشاعرها بوضوح وصراحة ومقضينها شحتفة وبس

برج السرطان عملياً 

( الشغل والمذاكرة والتخطيط لبكرة ):

نجاح ف الطريق اليك.. اصبر بس ومتشيلش هم اي حاجة..

برج السرطان صحياً 

(نفسيا وجسمانيا وكل مايخص طاسة المزاج ):

صحتك النهاردة محتاجة مزيكا وفرفشة ورقص ودندشة بينك وبين نفسك كدة بعيد عن عيون الناس تماما.. زي إمبارح تماما..

تعرف على توافق برج السرطان مع باقي الأبراج النهاردة:

صحتك النهاردة محتاجة مزيكا وفرفشة ورقص ودندشة بينك وبين نفسك كدة بعيد عن عيون الناس تماما.. زي إمبارح تماما..

إعرف حظك اليوم برج الأسد بالتفصيل الخميس 15/2/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

هتحس انك بتعمل كل حاجة زي الروبوت النهاردة.. عموما متخافش.. دي حاجة كويسة ليك مش وحشة ابدا..

برج الأسد عملياً 

( الشغل والمذاكرة والتخطيط لبكرة ):

بتتعب بجد عشان تبان وتتحقق وتنجح وتحس انك احسن من كل الناس.. ياعيني

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة تمام وفل الفل.. مهم تستغلها ف الخير ياريت عشان نفسك ولنفسك

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والترابية والنارية والمائية..

إعرف حظك اليوم برج العذراء بالتفصيل الخميس 15/2/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متزعلش نفسك.. مسيرك هتنبسط ان شاء الله.. روق انتا بس ومتضايقش نفسك.. مفيش حاجة مستاهلة.. مفيش..

برج العذراء عملياً 

( الشغل والمذاكرة والتخطيط لبكرة ):

التفاؤل النهاردة ممكن يبقى صعب.. على الاقل حاول متفكرش ف اي حاجة ممكن تضايقك.. وياريت متضايقش حد حواليك لمجرد انك متضايق او زهقان.. بلاش

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة ماشي حالها بس نفسيا انتا محتاج فرفشة عامة او سينما او عزومة حلوة بالليل..

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والنارية والهوائية والمائية..

إعرف حظك اليوم برج الميزان بالتفصيل الخميس 15/2/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاول تنام الضهر النهاردة حبة عشان هتتباس ف احلامك من احلامك..

برج الميزان عملياً 

( الشغل والمذاكرة والتخطيط لبكرة ):

قدامك تختار تنجح وقدامك تختار متنجحش وتبقى فاشل قد الدنيا.. اختار بعناية وفكر كويس عشان النجاح ف كل حاجة مش حاجة كويسة زي مانتا فاكر.. اوقات بيبقى خطر خصوصا لو ناجح ف حاجة ملهاش لازمة زي النكد مثلا ولا حاجة..

برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة تمام وزي الفل وتقدر تنزل تأجر عجل تلفلف بيه ف الشوارع لو حبيت براحتك عادي يعني..

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والهوائية والنارية والبرمائية..

إعرف حظك اليوم برج العقرب بالتفصيل الخميس 15/2/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

اليوم جميل ومنعش وأخر حلاوة.. حاول تستفيد من الموضوع دة ومتكسلش وتكمل نوم..

برج العقرب عملياً 

( الشغل والمذاكرة والتخطيط لبكرة ):

اخرج النهاردة وانبسط وبص للعالم بنظرة تفاؤل.. حاول يعني الموضوع مش اجباري اوي بصراحة وولا هيفرق مع الكوكب ف حاجة..

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية اهتمام خصوصا بشرتك وضوافرك..

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والكهربائية والبرطمانية والكهرمانية والهوائية والبرمائية والنارية..

إعرف حظك اليوم برج القوس بالتفصيل الخميس 15/2/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

بلا ذكاء بلا شخصية بلا عمل بلا بتاع ياجدع.. النهاردة تعتمد على جمالك وجاذبيتك وقوة تأثيرك وبس..

برج القوس عملياً 

( الشغل والمذاكرة والتخطيط لبكرة ):

متباهيش بقدراتك قدام حد.. بلاش.. مالوش اي لازمة

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة فل بس مزاجك محتاج ينتعش اكتر من كدة حبة..

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والمائية والهوائية والنارية..

إعرف حظك اليوم برج الجدي بالتفصيل الخميس 15/2/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

في حاجات كتير جاية ف اتجاهك النهاردة ف اتجاهك.. الحاجات دي حلوة ومنعشة وهتعجبك جدا.. استعد كويس وابتسم ف وشها ياريت..

برج الجدي عملياً 

( الشغل والمذاكرة والتخطيط لبكرة ):

نظم وقتك ودماغك كويس وانتا تعرف تواجه الحاجات اللي شاغلة بالك بزيادة كويس.. ركز ف التفاصيل كويس

برج الجدي صحياً 

( نفسيا وجسمانيا وكل مايخص طاسة المزاج ):

صحتك النهاردة تمام بس ياريت تعمل مساج لرقبتك وضهرك ان امكن اخر النهار..

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والكشرية والبرمائية والترابية والنارية..

إعرف حظك اليوم برج الدلو بالتفصيل الخميس 15/2/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متاخدش حياتك بشكل شخصي على صدرك عشان متتعبش.. اوقات كل اللي بيحصل حواليك دة مبيبقاش المقصود منه انه يضايقك انتا لوحدك.. بتبقى مضايقة عامة للكل جاية من طرف الحياة.. مش اكتر..

برج الدلو عملياً 

( الشغل والمذاكرة والتخطيط لبكرة ):

ايامك دي سيادتك والمفروض تحتفل وتزقطط بالعند ف مرازية الحياة والناس والظروف ونكد الكوكب اللي مالوش اخر ولا سبب منطقي واضح اصلا.. عاند وافرح.. عاند بكل قوتك زي ما بتشتغل بكل قوتك كدة وبمزاج..

برج الدلو صحياً 

( نفسيا وجسمانيا وكل مايخص طاسة المزاج ):

صحتك اليوم تمام بس خد بالك من معدتك عشان غالبا ملتهبة او مكركبة او فيها مشكلة غالبا بسيطة بس محتاجة اهتمام عاجل..

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والكتكوتية والبرمائية والمائية والنارية والترابية..

إعرف حظك اليوم برج الحوت بالتفصيل الخميس 15/2/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

اليوم مليان فرص حلوة للسعادة والفرفشة وممكن جدا يكون يوم مميز ميتنسيش لو اتصرفت صح واتكلمت برضة صح

برج الحوت عملياً 

( الشغل والمذاكرة والتخطيط لبكرة ):

هتشوف حد قفاه حلو النهاردة ودة فال خير كبير.. ابعد عن الزعل والقمصة بس مش اكتر وانبسط وبس النهاردة

برج الحوت صحياً 

( نفسيا وجسمانيا وكل مايخص طاسة المزاج ):

صحيا انتا زي الفل وتقدر تشتغل او تلعب او تنام براحتك محدش له عندك حاجة..

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والكتكوتية والمستحية والنارية والترابية.