انتحار أب في بث مباشر على الفيس بسبب جوازة بنته
الإثنين، 06 نوفمبر 2017 03:07 ص
انتحار أب في بث مباشر على الفيس بسبب جوازة بنته
كل أب وأم بيحلموا يشوفوا اليوم اللي عيالهم هيكبروا فيه ويبقوا عرسان ويفرحوا بيهم.. لكن لما الولد أو البنت بيتجوزوا غصب عن أهاليهم بيزعلوا جدا وبتحصل مشاكل كتير.. زي أنهم يقاطعوهم أو يحرموهم من الميراث.. لكن هنا الأب عمل حاجة مختلفة ومبتكرة الصراحة.. انتحر في بث مباشر !!
أيهان أوزون.. شايفك ياللي بتقلش وبتقول خرم الأوزون.. هو اسمه كده.. راجل من تركيا عنده 45 سنة.. بنته هتتجوز غصب عنه.. وهو زعل فشخ واتقهر بسبب الحوار ده.. قام عمل لايف استريم على فيس بوك - بث مباشر يعني - وهو بيحكي فيه الحوار كله.. أوزون كان ظاهر في بث مباشر على الفيس وهو ماسك مسدس ماجنم وبيقول: "في أسعد يوم في حياة بنتي وهو يوم جوازها.. متصلتش بيا وقالتلي تعالى الفرح أنا هتجوز.. محدش سأل عني ولا عبرني وكأني هوا.. خدوا برأي جوز مراتي وهو وافق وهي بنتي أصلا.. يرضي مين ده ياناس؟".
وكمل الراجل في بث مباشر وهو بيعيط: "محدش قال لأهل العريس إني عايش أصلا.. وكنتي مستني من بنتي وأمها العقربة إنهم يعزموني وأكون موجود وأحضر فرح بنتي.. يوم بيتمناه أي أب.. طبعا كله هيفتكر إني بهوش وعامل استعراض.. لكن للأسف أنا جد وجد جدا كمان.. ومتمناش أبدا إن أي أب يتعرض للموقف اللي حصلي ده.. وعشان كده هنتحر على الهوا بالمسدس اللي معايا ده"..
"محدش من عيلتي كلها يحضر العزا بتاعي.. إنتوا السبب في إني هنتحر وربنا ينتقم منكم".. ودي كانت آخر حاجة قالها الراجل.. وهوب رفع المسدس وضرب الطلقة ودماغة اتفرتكت.. وطول بث مباشر ما كان شغال والناس كانت عمالة تعلقله عشان مينتحرش ويهدى شوية.."اعقل يامجنون".. "تغور بنتك في داهية بس متعملش كده".. لكن هو كان مصر على الانتحار وتلاقيه كان عميان بفكرته ومشافش التعليقات أصلا..
طبعا الفيديو اللي فوق ده مش الكامل.. لإني طبعا مقدرش أنزل مشهد مخه وهو بيتفرتك.. هو أنت كنت فاكر إني هنزلك الفيديو بالحتة دي؟ ياسادي يامتوحش إنت فاكرني إيه؟.. معنديش إحساس مثلا؟.. الفيديو الكامل موجود ومرطرط على النت شد حيلك في السيرش هتلاقيه.. يالا ما علينا.. الله يرحمه.
لو عجبك الموضوع ده وعاوز تقرا مواضيع زيه أو أحسن خش هنا
ستيفن بادوك.. المليونير المجنون اللي قتل 58 واحد وإنتحر في "فيجاس"
"أمهات لكن جبلات".. سابوا عيالهم لوحدهم وطفشوا
