هنأ الإعلامي تامر أمين، المصريين بعيد الحب، قائلا: " كل سنة وكل واحد بخير وأنتوا متفلتنين وبتحبوا وبتخافوا على بعض"، متابعا: "أنا مش هدخل في الجدل السخيف بتاع كل سنة هو الفلانتين حرام ولا حلال حلو ولا مش كلو؟".

وتابع أمين خلال برنامج "الحياة اليوم" المذاع على قناة "الحياة" اليوم الثلاثاء: "أنا واحد من الناس بحب أي حاجه تفرح حتى لو كان عيد البلاليكا.. احنا شعب بنحب الفرحة، وبندور على الابتهاج، طالما لم نرتكب حرامًا.. هي القصة كل واحد يطلع طاقة الحب بتاعته ودي ملهاش دعوة بحرام ولا حلال".