قال رئيس الجمهورية، عبد الفتاح السيسي، في كلمته صباح اليوم الخميس، على هامش حضوره افتتاح أعمال تطوير أحدث مصانع القوات المسلحة لإنتاج المركبات والعربات المدرعة، إن الأزمة الأخيرة التي شهدها مبنى ماسبيرو وتسبب في قطع التيار الكهربائي حوالي 35 دقيقية،" مش عايز أألم حد"، وتساءل أنتو عارفين حجم الإساءة لمصر بسبب هذا الموضوع إيه؟.

وأضاف "ينفع يبقى أنا موجود في مبنى الإذاعة والتليفزيون كمسؤول ومدخلش كل حتة وأدخل في كل النقاط التفصيلية؟، لازم أدخل وأعرف من يعمل ومن يعمل مشاكل"، منوها "المسؤول المتسبب في المشكلة أقوم وأخليه على جنب".

وأضاف "إحنا شغالين بالورقة والقلم والظروف صعبة وحصل حاجات كتيرة في مصر الفترة الماضية، ومحتاجين خيال تاني لنحقق الكفاءة المطلوبة ومعدلات التنمية المطلوبة"، لافتا إلى أن الافكار الجديدة تشمل جهاز الشرطة والحربية والجامعات، قائلا "مؤسسات مصر كلها تحتاج لخيال آخر لنواجه التحديات الصعبة".

وتساءل بحدة: هو إحنا مش هنقدر نواجه التحدي؟، وقال "هنقدر وهو ده معنى الكفاح والنضال"، مختتما "إحنا عاوزين ندخل في كل حتة ونحتك بالناس علشان نشوفهم عايزين إيه، علشان نحافظ على بلدنا، لو إحنا متفككين وكل واحد اشتغل لوحده مش هننجح، والمسؤول لازم يكلم الناس ويطبطب عليهم ويرضيهم".

وقال :لو أنا وزير أو رئيس مجلس إدارة أو مدير لازم أناقش الناس ولو هما عارفين إنك مش مظبوط .. خلي بالكم مصر لم تقوم إلا كدة، كل مسؤول في أي مكان لازم يلتقي الناس ويلتحم ويتكلم معاهم، ومش مطلوب منك تعمل حاجة وحشة، المهم أن اللي يخطأ يكون على جنب، حتى لا يأذيك كمسؤول ويأذينا، وقال مصر كبيرة وأجهزتها كتيرة ومعداتها كبيرة.