أنهى الداعية الإسلامي خالد الجندي، اليوم الجمعة، مداخلة هاتفية مع إحدى المتصلات على الهواء، وتدعى سناء، بعد أن ألقت باللوم في حادثة إستاد الدفاع الجوي، بمباراة الزمالك وإنبي، والذى أسفر عن مقتل 22 شخصا، وإصابة حوالي 22 آخرين، على شباب جمهور أولتراس الزمالك، واصفة إياهم بالهمج.

وقالت سناء خلال مداخلة هاتفية مع الجندي برنامج نسمات الروح، المذاع على شاشة الحياة: "النادي عمل نحو 10 الآف تذكرة، واللي معاه تذكرة كان هو اللي هايدخل، لكن الشباب اللي مات ده، اندفعوا وضربوا الشرطة، وماكنش عندهم تذاكر، وعايزين يخشوا بالعافية، وأسأل النادي واتحاد الكرة أنا بدافع عن الحق".

وأضافت سناء: "الشباب الأيام دي ما بيعرفش نظام، ولا انتماء للوطن، والجيش ولا للبلد ولا لأي لحاجة، أنا مش بدافع عن الجيش أو الشرطة، ولا حاجة، بس مفيش أى نظام".

ومن جانبه، أنهى الجندي المكالمة قائلا لها: "وجهة نظر الحاجة سناء جميلة جدا، بس هي ما استثنتش ولا واحد من الشباب، بس هي ما تعرفش إن فيه شباب من اللي ماتوا كان معاهم تذاكر، لعل المفاجأة دي تخليك تغيري رأيك".

وأضاف الجندي: "أنا ما اتهمتش لا شرطة ولا جيش، أنا اتهمت المسؤول عن "تدجين" الفراخ داخل قفص هو عارف نفسه ومش هتهرب من عدالة ربنا ولا عدالة السماء، الدم غالي أوي ياجماعة، وأنا ذكى وعارف كويس جدا أني بتكلم قدام كاميرات، ومش هاتهرب حتى ولو انتقبت".