<p dir="RTL" style="text-align: justify;">قال الرئيس عبدالفتاح السيسي "الناس اللي بتتكلم عن حقوق الإنسان، والله أنا أحرص على حقوق الإنسان أكتر من أي حد تاني، مش علشان حد يحاسبني، علشان ربنا هو اللي هيحاسبنا".</p><p dir="RTL" style="text-align: justify;">وأضاف السيسي، خلال كلمته في احتفال عيد الشرطة، "تعالوا شوفوا ملايين من الأسر، يا ترى إيه أخبار حقوق الإنسان معاهم، منهم أهالينا البسطاء اللي محتاجين نرفع من شأنهم كام في المائة من سكان مصر 1%، و10 و20 و30 و40%، يعني 40 مليون، أين هي حقوقهم محدش قالي تعالى نقف جنب منك علشان نقف مع الناس الغلابة.</p><p dir="RTL" style="text-align: justify;">وأضاف "محدش يتكلم ويرغي وإحنا نردد دون تفكير، أنت بنختزل حقوق البشر في إنك تعبر عن رأيك وإحنا سايبين كل الناس تقول اللي عايزة علشان نحتاج إن التجربة تكون ثرية".</p><p dir="RTL" style="text-align: justify;">وأشار إلى أن مصر القوية هي فخر لأبنائها وسند لأمتها، وأن الجهود التي تبذلها الدولة في التنمية لن تحقق الأهداف المنشودة منها دون أن يتحقق مناخ مستقر وآمن يساهم فيه رجال الشرطة، وأن تعميق أسس الديمقراطية هي مباشرة الحقوق السياسية في مناخ آمن وديمقراطي يكفل له جميع حقوق المواطن.</p><p dir="RTL" style="text-align: justify;">وأضاف أن هناك سؤالا عن الحريات والديمقراطية يتكرر من وسائل الإعلام، أقول لهم إن مصر بها 90 مليون لن يتوقفوا عن حياتهم، لا أقول إن المظاهرة مرفوضة، ولكن وضعناها في مكانها، 90 مليون عايزين يشربوا ويطمنوا على بكره".</p><p dir="RTL" style="text-align: justify;">وأشار الرئيس إلى "أننا دولة ليست بها موارد كبيرة، حيث توقفت السياحة خلال السنوات الماضية، فقدت مصر نحو 40 مليار دولار، مين هيعوض هذا الرقم؟".</p><p dir="RTL" style="text-align: justify;">ونصح السيسي المواطنين قائلا "خلي بالك وأنت تطالب بحقوقك أوعى تضيعنا معاك، أقول ذلك علشان لا بد من الإدارك والوعي الكامل يعني أإيه دولة، هذا الكلام لا بد ان يكون واضح للجميع، فيجب أن نشد على إيد بعض وليس نضرب على إيد بعض، هناك امور قد تكون مقبولة وهناك أمور أخرى تضيع الدولة، ليس أحد ضد حقوق الإنسان.</p><p dir="RTL" style="text-align: justify;">وأوضح "حلصت أزمة بوتاجاز وطقس، وأقول منقدرش كدولة لينا احتياطات استراتيجية منتشرة على جميع محافظات، الدولة عايزين نوصل ده لما يحدث كده يبقي عندنا الاحتياطي.</p>