تداول عدد من رواد موقع التواصل الاجتماعي، فيس بوك، منشورا عن نية الحكومة لرفع سعر تذكرة المترو في الفترة المقبلة، وحمل المنشور عددا كبير من الحلول البديلة لحل الأزمة من دون رفع سعر التذكرة.

وجاء في المنشور: "رئيس هيئة مترو الأنفاق لما اتكلم مع  الرئيس السيسي، قال له احنا بنخسر 157 مليون سنويا.. ومش لاقيين فلوس لصيانة المترو والحل الوحيد اننا نزود سعر التذكرة".

ثم سرد المنشور عدة جمل انتقادية تحمل حلولا بديلة جاءت كالتالي:

 - مقاللوش نعمل أكشاك صغيرة منظمة على محطات ورصيف المترو يتم تأجيرها وآهو بالمرة نلم البيع العشوائي اللي في محطة زي العتبة ورمسيس.

 - مقاللوش نطلع نشرة صغيرة نبيعها بـ 2 جنيه عن المترو ومحطاته وخطوطه وبتروح فين وبتيجى منين والمحطة دي بتوصل الناس لفين ومنين.

 - مقاللوش ندخل نظام جديد يحسب عدد محطات كل راكب فتبقى الأجرة على حسب المحطات، ومايتحسبش أبو محطتين زى أبو عشرين.

 - مقاللوش نأجر حق لبث الصوتي لإذاعة "نجوم إف إم" أو "ميجا إف إم" جوه المترو، أو التليفزيوني لقناة "الحياة".

 - مقاللوش نعمل في ساعات محددة في اليوم (في ساعات غير الذروة) رحلات ترفيهية فيها سرعة وضوء ومؤثرات وفن وتشكيل.

- مقاللوش نفرض غرامات فعلية علي اللي مش معاه تذكرة لأن في معظم محطات الخط الأول والثاني مفيش أي رقابة على التذكر وكتير من المحطات فيها ماكينات التذاكر مش شغالة والناس بتعدي من غير تذكرة في الزحمة.

 - مقاللوش نستخدام إعلانات المترو بطريقة أفضل وبشكل احترافي.. يمكن للمترو وضع إعلانات ضوئية متحركة وعوده دائرة التلفزيون في مترو الخط الثاني ونشر إعلانات عليها.

 - مقاللوش كمان ممكن وضع إعلان بطريقة كويسة على التذكره بدل ما هي مصفرة كدا.

 - مقاللوش نعمل دورة مياه في كل محطة بتعرفية دخول 50 قرش أو جنيه.

 - مقاللوش اننا ممكن ندي الحق للشركات الكبري زي كوكاكولا وبيبسي وشيبسي وغيرها إنها تحط إعلاناتها في كل حتة في المترو داخل العربات وخارجها بشرط أن يتولوا تطويرها سنويا وإصلاح تلفياتها.

 - مقاللوش هات مجموعة من الشباب المبتكرين واللي لسه دماغهم فيها مساحة خيال يزودوك بأفكار إبداعية لمشروع المترو تسعد الناس وتدخل ملايين.