" احنا كان عندنا سرطان واتحدناه وخفينا منه بس ميادة بتقاوم وهتخف خالص منه" بتلك الكلمات بدأت الشقيقتان "ملك وميادة" حديثهما عن رحلة علاجهما من السرطان بتحدي وإرادة .

وقالت الأخت الكبرى " ملك صابر " انا قدرت اهزم السرطان وكان عندي صبر وإرادة في رحلة العلاج لمدة سنوات ولم أيأس وكانت والدتي دايما معي وتقوم بمساعدتي في كل شيئ حتي انتصرنا عليه هذا المرض

وأضافت ملك " عاوزة أقول رسالة للأطفال المصابين بالسرطان لازم تصبروا ويكون عندكم تحدي وإرادة عشان تنتصروا عليه "

وقالت الأخت الصغري " ميادة محمد" قعدت في معهد الأورام فترة طويلة واخدت مرحلة كبيرة في العلاج وبدأت أتحسن لكن ناوية أكون في تحدي مع هذا المرض وانتصر عليه زي اختي ميادة ونفسي لما اكبر أطلع دكتورة .

وقالت ايمان محمد والدة الطفلتين انا راضية بقضاء الله وعايشة عشان ولادي وبحاول دايما أكون قوية عشان يفضلوا أقوياء وكل املي في الحياة أشوفهم كويسين ونفسي حد يساعدنا علي عمل أي مشروع لأن زوجي عامل باليومية ومصاريف البنات بتكتر خاصة انهم في المدارس وميادة تحتاج عمل جلسات علاج طبيعي  .