الجواكت الجلد، من أهم مظاهر الأناقة في الشتاء، وعندما تكون خامة الجلد جيدة، فإن ثمنها يرتفع، وفي هذا التقرير نوضح لك طرق إعادة الجواكت القديمة التي تحبها ولا تريد التخلي عنها، إلى جواكت جديدة بأقل سعر وبدون أن تخسره.

ونصح محمد السيد، صانع الجواكت الجلد، "كل اللى عنده جاكت جلد ولسه مطلعه علشان يلبسه ياريت متدلوش وش غير بالمواد المخصصة للجلد لانى فى ناس بتنصح وديه مش نصيحة بتلميعه بمواد خاصة بالخشب وديه بعد شهرين بتقطم الجلد بانك كده بتستخدم حاجة غير مخصصة للجلد".

وتابع، "وبالنسبة للى عايز يشترى جاكت جلد هنصحك واقولك لو اشتريت جاكت جلد طبيعى هتوفر اكتر بكتير من انك تشترى جاكت جلد مستورد او صينى لانه هيقعد معاك على الاقل ١٠ سنين انما المستورد مهما كانت خامته هما سنتين او ٣ بالكتير وتظهر عيوبه ويقشر، هنا انت بقى وفرت كتير جاكت قعد معاك ١٠ سنين ممكن تغير فيه اى حاجة اتقطعت او تغير تفصيلته انما المستورد وقته قصير ومش هتقدر تغير فيه حاجة زى الطبيعى".

واستكمل،"لما تيجى تشيل الجاكت بتاعك بعد فصل الشتاء خزنه فى مكان فيه تهوية كويسة عشان يفضل معاك بكفاءته، والجلد الطبيعى تعرف تفرقه عن الصناعى بالخامة والبطانة بتاعته وكمان فى ناس بتختبر الجلد بالنار الطبيعى مش بيتحرق بسهولة بعكس الصناعى".