تحدث النجم محمد هنيدى لـ دوت مصر،  عن رحيل النجم الكوميدى الراحل علاء ولى الدين فى ذكرى رحيله وقال: "علاء ولى الدين انا مش حاسس انه غايب ..ذكراه معايا علطول ومع الناس فمش حاسس انه غايب ومش حابب اتكلم فالحدث الأليم وان فقدت اخ حبيب، لكن هو موجود وبفتكره طول الوقت، والناس فاكراه طول الوقت والله يرحمه ويحسن اليه.. وفى النهايك هعمل ايه دا قضاء ربنا بس احلى حاجة فالموضوع انه بجد هو موجود معانا وسيرته حاضره طول الوقت وهو يستاهل عشان كان طيب فربنا خلى سيرته مستمره فاللى بيفتكره بيدعيله وبيقراله الفاتحة رحمة الله عليه

يذكر ان علاء ولى الدين توفى يوم ١١ فبراير عام 2003 عن عمر يناهز 40 عاما بسبب غيبوبة سكر وقبل وفاته كان يشعر بقرب موعد رحيله وكان يخبر المقربين منه بذلك حتى انه اشترى مقبرة له فى مدينه نصر قبل وفاته بفترة قصيرة وقال لوالدته ان هذه الدار الباقية، وحدث بالفعل ما شعر به.

علاء ولو الدين حاصل على بكالريوس تجارة عام 1985 وبدأت علاقته بالفن من خلال والده سمير ولى الدين فى التليفزيون حيث شارك بالعديد من الاعمال منذ الثمانينات منها " بابا جاى، وزهره والمجهول" لينتقل بعدها للسينما وشارك فى كثير من الافلام ابرزها "عبود عالحدود والناظر وحلق حوش وابن عز" حيث شارك فى المسرح منها "الابندا" و"لما بابا ينام".

يشار الى ان النجم محمد هنيدى احتفل مؤخراً بعيد ميلاده مطلع فبراير حبث يعد هو الفنان الذى مهد الطريق لجيل كامل من النجوم الجدد عد ما حطم الارقام القياسية فى فيلم "اسماعيلية رايح جاى" لتتوالى الاعمال التى اتسمت بالكوميديا اخرها مسرحيته " 3 ايام فى الساحل " مع بيومى فؤاد ومها ابو عوف واحمد فتحى ومحمد ثروت واخرون.