قالت نحمده عبد الرازق سائقة الميكروباص التى التقاها الرئيس السيسى الخميس، أثناء عودته من مشروع العاصمة الإدارية، إن الرئيس السيسى قال إنه خلال لقائها لم يكن فى الطريق الذى سيسير فيه، وكذلك هى لم تسير من الخط الذى تمر به، مردفة:"كان أمنيتي أقابل سواق لأى حد مسئول يتوسطلى، أنا هنا أهو وتعبانه، كنت عاوزة حد يزقنى لأى معرض عشان أجيب عربية".

وأضافت خلال لقائها مع الإعلامى أسامة كمال، ببرنامج "مساء DMC"، أنها فوجئت أن موكب الرئيس عبد الفتاح السيسى خلفها عقب صعودها الكوبرى، موضحة أنها أرادت أن تزيد من سرعة السيارة، ولفت نظر الرئيس أنها تخرج بعيد عن الموكب، مردفة:"أخر الكوبرى فيه حارتين وركزت أن أدخل من الحارة اليمين".

وذكرت أنها لم تصدق أن ما شاهدته هو موكب الرئيس السيسى، لأن أى موكب أخر يتم إيقاف أى سيارة على الطريق، مستطردة:"موكب الرئيس كان العربيات حواليه ومحدش بيتعرّض لحد، والرئيس سألهم عن الميكروباص اللى بيجرى قدامهم، واستغربوا ازاى ماشية قدامهم، وكانوا فاكرين راجل، ولكن الرئيس قالهم دى ست، وحد يجيبهالى".

ولفتت إلى أنها شاهدت سيارة من موكب الرئيس تهدئ السرعات لتقترب منها، وأشار لها شخص وقال لها :"اركنى"، موضحة أنها تتلقى تعامل جيد من رجال المرور فى الطريق، ويعلقون:"الله يعينها على اللى هى فيها".

وتابعت: "لما اتقفل علينا الطريق فى النفق، بصيت للركاب ومش متمالكة أعصابى وقلبي حاسة إنه هيتخلع من الخضة، لأن العربية اللى معايا مفيهاش رخصة لأنها مسحوبة، خاصة لما حاصرونى عشان يخلونى قدام الرئيس، وفجأة لقيت الرئيس، كنت بتمناها بس مش للدرجادى، وقلتله أنزل لحضرتك، قالي لا أنا جايلك".