#التحرش_انتشر_ليه؟ سؤال طرحه نشطاء التواصل الاتماعي من خلال الهاشتاج الذي تصدر موقع التدوينات القصيرة "تويتر"، ولاقى الهاشتاج عدد كبير من التفاعلات.

وتنوعت التغريدات التي طرح النشطاء من خلالها آرائهم في سبب انتشار ظاهرة التحرش الجنسي، حيث رأي الشباب أن لبس والبنات والموضة العارية هي سبب انتشار الانتشار، ورأت البنات أن بعض الشباب نفوسهم مريضة.

وجاءت أسباب أخرى بحسب آراء المغردين كان من بينها، إهمال الأهل في التربية السليمة، وانعدام التوعية الدينية والأخلاقية، ومنها أيضًا تحامل الآباء على الشباب بتصعيب الزواج عليهم، كما رأى البعض أن الأفلام السينمائية وبعض الممثلين والقائمين على صناعتها تسببوا في نشر التحرش.

"البنات بقت صافيناز ودينا، والولاد بقت عبده موته والالماني"

كتب مصطفى عابدين: "البنات بقت صافيناز ودينا، والولاد بقت عبده موته والالماني"، وتابعت إحدى المدونات: " علشان لو كل بنت نزله ومامتها قالتها ايه دا خشي غيري، ولو البنت افتكرت باباها وافتكرت ان اي حد ممكن يشوفها بالمنظر دا هيقول عليها تربيه مش كويسه طب ليه يابنت الناس كده غيري نفسك، ولو الوالد قبل مايعاكس ويتحرش افتكره اختو مش هيحصل كده برضه.. ربنا يهدي الجميع".

أفلام ناديه الجندي و السبكي بوظت الدنيا

وعلقت إحدى المغردات قائلة: " اللى بيقولوا التحرش انتشر علشان اللبس الضيق لا حضرتك احنا مكناش محجبات و بنلبس اللي عايزينه و الناس ف الشارع كانت مؤدبه، لكن بعد افلام ناديه الجندي و السبكي الدنيا باظت"، ودونت نورا التومي: " بغض النظرعن لبس البنات المستفز، في نفوس مريضه لوالبنت لبست ايه مش هتترحم من نظراتهم عندهم نقص ربنا يسترها علي بنات المسلمين".

انعدام التربية وصعوبة الجواز

وأضاف محمد حسين: " عشان الأهالي صعبوا الجواز جدا على الشباب والتوعية الدينية الصحيحه انعدمت مش بس قلت، والأخلاق أصبحت نادرة نتيجة لغياب الدين"، وتابعت نجلاء: "بسبب عدم وجود الرجوله والنخوه والشهامه في بعض الرجال أو أشباه الرجال والتحرش ليس مرض كما يدعي البعض ولكن هو عدم تربيه للولاد بحجة دا، واد يعمل اللي هو عاوزه ومتفرقش معاهم، هو سلوكه وسط المجتمع عامل ايه".

اقرأ أيضًا:

ميشيل أوباما: قصص التحرش الجنسي أصابتني بالمرض

الآلاف يستعدون للمشاركة في مسيرة "مي تو" بهوليوود ضد التحرش الجنسي