لم يشفع لها السنوات التي قضتها "فاطمة" في خدمته تقف بجواره في ظل حياة فقيرة خالية من أي رفاهية، لم يعبأ الزوج الخائن بتلك التضحيات التي قدمتها زوجته طيلة 30 عاما من حياتهما الزوجية، ولم يحترم سنه الذي يتجاوز 55 عاما وترك زوجته وابناءه ليتزوج بأخري تصغره بعشرات السنوات. 

تروي الزوجة من مقر محكمة الأسرة بمحافظة أسوان، قائلة: "اتجوزته وأنا كنت لسه عندي 18 سنة أو أقل كان نجار صنايعي علي قد حاله وافقت ورضيت بس هو مكنش راضي كان دايما مش عاجبه عيشتنا وعايز يسافر الخليج،  وفي الوقت خلفت أولادي التلاتة، ولما المصاريف زادت عليه قرر يسافر السعودية ويبعتلي مصروف شهري".

واستطردت الزوجة: "فضل مسافر حوالي 15 سنة أو أكتر وكان ملتزم معانا لحد من سنة بس كل حاجه اتهدت، رجع مرة من الأجازة وقالي أنا اتجوزت عليكي اتصدمت علي سنين عمري اللي ضاعت معاه، بس محبتش أخرب بيتي ووافقت بالوضع". 

وتابعت: "الموضوع بدأ انه كان بيقضي إجازته كلها عند مراته التانية بالقاهرة ومش بيسأل عني خالص، وفجأة بطل يبعتلي حتى مصروف البيت رغم أنه مبسوط جدًا ودخله كبير".

وأضافت: "روحتله بيته التاني واتحايلت عليه يصرف عليا وعلى أولاده اللي بالجامعة لحد مايتخرجوا بس هو رفض وقالي مراتي الجديدة قالتلي مبعتش ولا مليم ليكي وإلا هتطلق مني".

واختتمت فاطمة حديثها قائلة: "ملقتش حل غير أن أرفع ضده دعوي طلاق عشان أخد حقوقي منه وربنا يعوض عليا في سنين عمري اللي راحت مني في خدمته". 

اقرأ أيضا..

إصابة 4 أشخاص في تصادم سيارتين بأسيوط