بقى في حياة أي حد مننا كابوس اسمه الوظيفة.. يابندور على وظيفة ياخايفين تطير مننا.. وللأسف التكنولوجيا مخلتش.. والروبوت ممكن يسرق منك الشغلانة ويعملها كإنسان ألي بدل منك وقدامك .. لدرجة إن الموضوع بقى شبه فيلم ترمينيتور كدة.. لكن دة ميمنعش إن في وظايف لسة على بر الأمان في العشرين سنة الجاية بحسب دراسة لأكاديمية أوكسفورد..

******************

الخدمة الاجتماعية

ايوة هما موظفين الخدمة الاجتماعية اللي بيبقوا قاعدين في المدارس دول ومحدش عارف بيعملوا ايه بالظبط لكن المفروض انهم بيحلوا مشاكل الطلبة.. أهي دي بقى وظيفة تجيب فيروس اساسا لأي إنسان ألي عشان كدة سايبينها للبشر.

******************

خبير التغذية

لحد دلوقتي دي وظيفة أمان في العشرين سنة الجاية وكل اللي عليك انك تكون مذاكر إن البرتقال فيه فيتامين سي.. وتعمل كام روشتة دايت للتخسيس.. سهلة دي.

******************

الدكتور النفسي

حد كان يصدق إنك لو معاك شهادة علم نفس هتلاقي وظيفة والمهندس خريج كليات القمة ميلاقيش.. عشان الروبوت بيصمم عمارات لكن لا يمكن يشغل نفسه ويسمع

لشكاوي الناس.. أهو دة اللي حصل.

******************

الجراحين

لحد دلوقتي ممكن تدخل كومبيوتر أوضة العمليات لكن لا يمكن تسيب الليلة في أيده..عشان كدة الكتور البني أدم لسه عملة متداولة مهمة جدا ف المجال دة.. خصوصا لو بيفهم

******************

رجال الدين

أكتر شغلانة أمان في الدنيا لأنه مش ممكن حد هياخد فتوى من روبوت أو يصلي معاه وهو مطمن.. مش هيحصل.

ياللا.. ما علينا.. إضرب التراك دة وإتطمن.. محدش بياخد رزق حد.