عمرك فكرت تعمل "تأمين" على نفسك؟ طب تأمن على الحاجة اللي بتستخدمها كتير؟ يعني لو كاتب تأمن على ايدك.. لو مغني تأمن على أحبالك الصوتية.. أو لو لاعيب كورة تأمن على رجلك مثلًا؟

طب جربت تدور على ايه أغرب الحاجات اللي متأمن عليها في العالم؟

لو بتفكر في الموضوع ده.. كمّل قراية للآخر وهتلاقي حاجات غريبة وهتعجبك.

1- التأمين على الرجل:

هايدي كلوم أمنت على رجلها بقيمة 2.2 مليون دولار.. المشكلة بقى أن رجليها اليمين متأمن عليها بـ 1.2 مليون دولار.. والرجل الشمال متأمن عليها بـ مليون دولار بس.. والسبب أن عندها "تعويرة" في الرجل الشمال..

هايدي كلوم ممثلة وعارضة أزياء عالمية ألمانية، ومثّلت في عروض تلفزيونية كتير زي Project Runaway وفيلم The Devil Wears Prada و Sex and the city ودلوقتي هي حكم في برنامج المسابقات الشهير America's got talent.

2- تأمين السنان:

فاكرين مسلسل The Ugly betty؟ اللي اتعمل منه نسخة مصرية باسم "هبة رجل الغراب" بطولة إيمي سمير غانم؟ المسلسل الأمريكي الأصلي كانت البطلة بتاعته اسمها America Ferrera.. ومكانتش وحشة زي المسلسل ما مطلعها.. بالعكس دي كانت حلوة ومُزة كمان لدرجة أن شركة أسنان أمنت على سنانها بـ 10 مليون دولار.

أمريكا فيرارا هي ممثلة أمريكية مثلت في أفلام ومسلسلات زي Ugly Betty و The good wife وأفلام الأنيميشن الشهيرة How to train your dragon و Tinker Bell.

3- تأمين الأثداء:

بداية الحاجات الغريبة.. في ممثلة ومغنية اسمها دولي بارتون مأمنة على أثدائها بـ 600 ألف دولار.. يعني كل ثدي فيهم متأمن عليه بـ 300 ألف دولار.

دولي بارتون مُغنية وكاتبة أغاني أمريكية ومؤلفة وعازفة على آلات كتير وممثلة.. ومعروفة بعملها في موسيقى الريف.. وألّفت أكثر من 3000 أغنية.. من أشهرها أغنية "سأظل دائمًا أحبك" I Will Always Love You.

4- تأمين شعر الصدر:

من ضمن الحاجات الغريبة اللي استغربتلها يعني.. أن واحد زي السير توم جونز مأمن على شعر صدره بـ "7 مليون دولار".. يعني لو حصل لشعر صدره حاجة ياخد 7 مليون دولار.. يعني لو لابس تيشيرت أو قميص واتحرق وحصل حاجة لشعر صدره ياخد 7 مليون دولار.. أنت متخيل يا مان؟

توم جونز هو مغني بريطاني عنده 77 سنة وبيغني بقاله 60 سنة تقريبًا.. حصل على لقب "السير" من الملكة البريطانية لجهوده في الموسيقى.. وقدر يكسب جوايز كتير زي الجرامي والبريت أواردز.. وكمان دلوقتي هو حكم في برنامج The Voice UK.

5- تأمين المؤخرة:

طبعًا دي مش أي حد هيأمن عليها.. بس لو جنيفر لوبيز مأمنتش على مؤخرتها مين هيأمن؟ جنيفر أمنت على مؤخرتها بمبلغ خيالي اللي هو 27 مليون دولار.. وطبعًا الرقم ده مش قليل.. 

جنيفر لوبيز طبعًا مغنية وممثلة ومنتجة تلفزيونية وتسجيلية وراقصة.. وواحدة من الشخصيات الأمريكية من أصول لاتينية الأغنى في هوليوود.. ومثلت في مسلسل Shades of Blue.. وأفلام Out of sight وMaid in Manhattan وكانت حكم في برنامج American Idol.

6- التأمين على الصوت:

زي ما في تأمين على كل حاجة في الدنيا.. في تأمين على الصوت بردو.. يعني واحد شغلانته الأساسية أنه يغني.. فطبيعي لازم يأمن على أغلى ما يملك.. صوته.. عشان كده المغني البريطاني رود ستيوارت أمن على صوته بـ 6 مليون دولار.

رود ستيوارت هو مغني روك وكاتب أغاني بريطاني.. بدأ حياته في ستينيات القرن اللي فات يعني بقاله أكتر من 50 سنة بيغني ويكتب أغاني.. وكسب جايزة الجرامي والبريت أواردز قبل كدا عن أغانيه.

7- التأمين على الصوابع:

في مغني في فرقة "الرولينج ستونز" بتاعة الروك اسمه كيث ريتشاردز.. الراجل ده قال "اللعنة" بالانجليزي.. كتير جدًا زي صامويل جاكسون في الأفلام كده.. بس احتياطيًا أمن على صباعه ايده اللي في النص.. أو زي ما بيقولوا عليه الـ Middle finger.. عشان لو مقدرش يقولها يقدر يعملها.

ريتشاردز أمن على صباعه اللي في النص بكام بقى؟ بـ 1.6 مليون دولار.. وكل ده عشان يقدر يقول "اللعنة" بالانجليزي براحته بس من غير صوت.

8- التأمين على المني:

من أغرب أنواع التأمين اللي ممكن تقابلها في حياتك أو تسمع عنها.. تأمين على "المني".. وكمان سنة 1980 بـ 1 مليون دولار.. وكان من نصيب المغني والممثل ديفيد لي روث.. اللي هو المغني الرئيسي في فرقة فان هيلين.

روث مغني وممثل وكاتب أغاني أمريكي.. ودخل قاعة المشاهير بتاعة الروك آند رول سنة 2007.. ومن أفضل ألبوماته مع فرقة فان هيلين كان A different kind of truth سنة 2012.

9- تأمين العضو الذكري:

نوع التأمين ده الصراحة ملوش تفسير غير أن اللي بيعمله مش فاهم التأمين كويس.. يعني ايه تأمن على عضوك الذكري؟ وليه أصلًا؟ بس هو نوع من أنواع التأمين الغريبة اللي موجودة فعلًا في الحقيقة.. بس مش أي حد يقدر يعملها طبعًا.

في 2 بس تقريبًا أمنوا على أعضائهم الذكرية.. منهم راقص التعري البريطاني فرانك جيمي اللي أمن عليه بـ 1 مليون دولار.. وممثل الأفلام الإباحية كيران لي.. اللي أمن عليه بـ 1 مليون دولار بردو.

لو عاوز تقرا موضوعات أكتر شبه الموضوع ده.. ادخل هنا

قط بلدي

أفلام عملت "قتالين قتلة" ف الواقع.. خش وشوف بنفسك

دولة المكروباص المستقلة.. السواق متشعوذ وماشي ببطاقة ابن اخته

"أمهات لكن جبلات".. سابوا عيالهم لوحدهم وطفشوا

للكبار فقط | أكل لحوم البشر.. بين الحقيقة والتمثيل