حسن بلبل نشر فيديو قال فيه: «هناك 100 مليون مصري بقو خبراء، البلد كلها بقيت خبراء، هتعملنا ايه العاصمة الإدارية، عاوزين مستشفيات عاوزين مدارس، ولو دورت هتلاقي فيه مستشفيات كتيرة اتعملت بأرقام ضخمة، وبرده فيه مدارس كتير اتعملت بأرقام كبيرة وأطفالنا بيهربوا منها، وده مش ثقافة دولة ده ثقافة شعب، العاصمة الإدارية لم تبنى وحدها، بل كان هناك عمالة كبيرة تعمل داخل العاصمة، واستوعبت حوالي 3 ونصف مليون مواطن ليعملوا بها وفتحوا بيوتهم». 

بلبل استطرد: «في فترة الأمطار، قالوا شوفوا مش عارفين يعلموا ايه في المياه والأمطار، فين البنية التحتية، على الرغم من إن فيه دول معادية لمصر زي قطر وتركيا غرقت في نفس الأرقام، وده ليه ده لأن البنية التحتية لما اتعملت مكنتش معمولة لـ 100 مليون، مكنش الرقم ده، وعشان كده بدأنا نعمل العاصمة الإدارية الجديدة عشان نخف الضغط». 

 

 

 

وذكر بلبل في الفيديو: «كل المصريين فرحانين بالعاصمة الإدارية، المشكلة مش فينا، المشكلة في اللي برة اللي زعلانين إن فيه حاجات جديدة وكبيرة بتتعمل، وبيحاولوا يدسوا السم في العسل، حتى القصور الرئاسية، القصور واجهة لمصر، عشان احنا كده عارفين ومتأكدين ان مفيش مصري بيزعل ان بلده بتتقدم، وان فيه مشروعات بتفتح بيوت ناس وبتقلل الضغط عن مدن تانية»