طرح الشاعر إسلام خليل، أغنية جديدة تحمل اسم "الوهم الأردوغانى"، يهديها إلى روح الفنان الراحل شعبان عبد الرحيم، وتفضح الأغنية أطماع أردوغان فى ليبيا.

وتقول كلمات الأغنية التى أداها بنفسه: "حلمك العثمانى.. يا أردوغان فشنك.. وأن كنت مش مصدق.. هبعت لجنابك اللينك.. على نفسك انت الجاني.. دى مش لعبة بلاى ستشن.. لف وارجع تانى وغير اللوكيشن.. حلم الخلافة يا طايش جابلك خلاص جنون.. روحت لتنظيم داعش هربته من السجون.. خد بالك مصر وليبيا شعب مش شعبين.. والسراج مش هيفيدك لو خدت قلمين.. اتفاقك مع السراج.. ده تحطه فى الشراب.. مفيش اتفاق بيتم بين دولة والإرهاب.. محدش هيسبك كده هايج زى الجراد.. تضرب فى الشعب السورى وتقتل الأكراد.. هتاخد فين يوجعك ومش هينفعك أى علاج.. ساعتها مش هينفع تميم ولا السراج.. يا أدروغان يا لص باين خرفت.. حفتر مش هيسبلك لا الأرض ولا النفط.. عامل قمة وهمية مع قاعدة الخراب.. دى قمة إسلامية ولا دى قمة إرهاب.. فى مصر والسعودية كعبة وأزهر ومقام.. لا انت ولا تميم الفاشل بتمثلوا الإسلام.. هقولك علانية علشان تبطل كح.. الامارة العثمانية خلاص بح.. يارب احفظ لبنان بلد وشعب عظيم.. من شر أردوغان واسرائيل وتميم.. يا شياطين العصر.. يا منبع التخاريف.. اللى هيلعب مع مصر هيلاقى رد عنيف.. الأمن القومى خط أحمر سلم وحرب.. واللى يقرب من ليبيا والنبى يا يموت الأرض.. تحيا مصر".

وصرح الشاعر إسلام خليل بأنه سيقوم بعمل عمرة لصديق حياته المطرب الشعبى الراحل شعبان عبد الرحيم، حيث يتواجد الآن فى الأراضى السعودية.

وكان دوت مصر نشر أول قصيدة رثاء كتبها الشاعر إسلام خليل، لصديق ورفيق عمره المطرب الشعبى الراحل شعبان عبد الرحيم.

وقال إسلام خليل في القصيدة: "بس خلاص.. بس خلاص بجد.. وخلاص خلص الموضوع.. شعبان حبيبى مات.. وانا قلبى كله دموع.. مات أبويا واخويا وصاحبى.. وصوتى بكل المفاهيم.. مات عشرة عمرى وسندى شعبان عبد الرحيم.. شعبان القلب الطيب.. ولا شوفتش زيه أحن.. شعبان الغالى عليا.. وعشرة مشوار الفن.. مع السلامة يا صاحبى.. مع السلامة يا اخويا.. حبتنى زى ولادك وكنت فعلا ابويا.. الناس فاكرة الحكاية مطرب ومؤلف بس.. مش عارفين إنها عشرة وفى قلب بحبك حس.. الله يرحمك يا حبيبى.. مين تانى هرن عليه.. مين تانى معايا هييهزر ويغنى ويقولى إيه.. هتعيش في قلبى يا غالى صورة حلوة في كل مكان.. شعبولا اللى انا حبيته واللى مربينى كمان.. شعبولا اللى انا حبيته واللى مربينى كمان".