تعتبر الفتة من أهم وأشهر الأكلات فى العيد، عشان كده ستات كتير بتهتم عملها بطرق مختلفة وجديدة، مرة تضيف توابل ومرة تانية تضيف خضروات أو فراخ، وعشان كده هنعرف فى التقرير ده، طريقة عمل الفتة السورى بالزبادى.

طريقة عمل الفتة السورى :

المكونات   

4  قطع من رغيف شامى محمص.

1/2  كيلو فراخ بانيه مسلوقة.

500  جرام من الرز .

ثوم وليمون وملح وفلفل.

بقدونس ولوز محمص عشان تزيين الفتة .

500  جرام من الزبادى.

طريقة التحضير :

-  قومى بعمل صوص الزبادى، زى حطى الزبادى وضيفى عصير ليمون، وضيفى 2 فص ثوم مفروم وملح وفلفل أبيض .

- قومى بغسل الرز وضيفى معلقتين من السمن فى الحلة، مع التقليب.

- حطى الملح والمايه، وضعيها على النار.

- قطعى الفراخ البانيه المسلوقة لشرائح زى الشاورما .

- حطى نصف كمية من العيش المحمص وضيفى نصف كمية من صوص الزبادى.

-ضيفى الرز وباقى العيش المحمص والفراخ و صوص الزبادى.

- رشى قطع البقدونس واللوز المحمص.