أكد الرئيس عبدالفتاح السيسي، أن قواعد البيانات الدقيقة تمكن الدولة من مساعدة المواطنين فى تسهيل حياتهم إلى جانب مكافحة الفساد، مشددا على أن قواعد البيانات الكاملة للمجتمع المصرى أمن قومى، ومشروع كبير.

وقال الرئيس السيسي خلال جلسة إطلاق مبادرة التحول الرقمى بمنتدى الشباب فى نسخته السابعة بالعاصمة الإدارية:" ليه كنا حريصين على موضوع الرقمنة نحقق فيه تقدم كبير؟، الأمثلة اللى ممكن أقولها بسيطة جدا ولكن هاتخلينا أقدر اشوف من غير محد يتقدم، وبقواعد البيانات هابقى مش محتاج حد يقدملى طلب وهأقدر أشوف بحجم الذكاء الاصطناعى حال المواطنين صحيا وماديًا..قبل كده علشان نعمل كده كنا بنعمل مسح شامل وكانت بتاخد وقت وتكاليف".

وأكمل الرئيس:" لو قدرنا فى نهاية العام المقبل نكون وصلنا لنسبة 95 % من تدقيق قاعدة البيانات هنقدر نوصل للناس وناخد القرار من غير أصحابها ما يطالبوه بيها، ولما نوصل لمرحلة الكارت الموحد بمجرد ما يتحط على أماكن الخدمات تظهر كل حاجة، وكمان بمجرد الوفاة أو الطلاق هقدر أشوف الأسرة وأقوم على طول بإجراء".

وأشار الرئيس إلى طرق الاحتفاظ بالمعلومات خلال الثلاثون عاما الماضية، موضحا أن أدبيات الماضى والاحتفاظ بالمعلومات لا تصلح فى زمننا هذا، متابعا بقوله:"لو كنا استمرينا على أدبيات الفهم مكنتش اتعملت حاجة، وقلت قبل كده أوعو القديم تبقوا أسرى ليه".