بعدما أحدث فستان الفنانة رانيا يوسف ضجته، انتشر مؤخرا في الأسواق الشعبية و تداول رواد مواقع التواصل الاجتماعي صورة يظهر خلالها نسخة طبق الأصل من فستانها الأسود "الشبيكة" معروض علي "مانيكان" ولكن كـ"قميص نوم" ومرفق به صورة رانيا يوسف وهي مرتدية نفس الفستان بمهرجان القاهرة السينمائي بدورته ال 40.. تجول اليوم السابع في أسواق وسط البلد و خصوصا منطقة "العتبة" وبالفعل كان للفستان تواجد كبير في المحالات المختلفة والخاصة ببيع الملابس الحريمي، و بأسعار متباينة تبعا لنوعية القماش المستخدم في صناعته و جودته.

أمام أحد المحلات الموجودة بمنطقة العتبة قال دياب محمد "بائع بوسط البلد" "اتفضلي يا أستاذة .. عندنا حاجات جديدة و فستان رانيا يوسف لسه نازل أهه "، تحدثنا معه عن الأسعار والإقبال علي شراء الفستان فقال: الفستان موجود عندي من أيام قليلة و عندي منه نوعين نوع بـ"لمعة" زي اللي رانيا لبسته ودا بـ190 جنيه واحد من غير "لمعة" بـ120 جنيه ودلوقتي بعض الناس بتيجي تسأل علي الفستان بالاسم وخصوصا بعد الصور اللي انتشرت علي الإنترنت إنه موجود في السوق.

فيما أكد بائع آخر أن الفستان انتشر في الأسواق في أولي أيام العام الجديد وأيضا اختلفت أسعاره قائلا: الفستان بدأ يظهر بالضبط أول يوم في السنة الجديدة و أسعاره تبدأ من 100 جنيه حتى 250 والطلب عليه مستمر كان خلص من عندي بالمناسبة وجبت تاني لما الناس سألت عليه.

و عن رأي السيدات في وجود الفستان في الأسواق قالت "ربة منزل": أنا أول مره أشوف الفستان علي الطبيعة شفناه في التلفزيون بس، والصراحة هو فعلا مينفعش يتلبس إلا في البيت! غير كده لا.