قال الإعلامى عمرو أديب خلال برنامجه "الحكاية" المذاع على فضائية "mbc masr"، اليوم السبت "بقالنا أسبوع فى ناس بتحاول تبتزنا مطالبين بالوقوف مع تظاهرات باريس وكأن فرنسا دولة عربية، .. معلش أنا آسف أنا مش عاجبنى اللى بيحصل فى فرنسا، أنا مش عاجبنى اللى بيعمله الفرنسيين فى بلادهم، أنا ماليش دعوة بيهم، فيه فى أوروبا دلوقتى ناس قرروا أن مافيش دولة، هل ده أمر ممكن نؤيده، إذا الشعب يوما أراد الحياة فلابد أن يتم تدمير البلد، كل مرة ينزل الشعب يقلب عاليها واطيها"، متسائلا مين المفروض يكون سعيد بحاجة زى دى".

وتابع: "فيه ناس طلعت بتقول عمرو أديب خايف.. آه أنا خايف على البلد، ما إحنا شفنا الكلام ده، هانعمله تانى؟ وإيه النتيجة، قولولى مرة الناس نزلت الشارع وكان فيه نتيجة كويسة، هل النتيجة دى كانت كويسة فى فرنسا؟ لأ، طيب كانت  كويسة فى مصر؟ لأ، ولا فى تونس ولا فى سوريا" مش هابتز ومش هاقف مع السترات الصفراء، أنا مع الحكومة الفرنسية أنا فلول فرنسا يا جماعة، فرنسا قدمها شوية وهتعانى اقتصاديا، الشقة فى ميدان الشانزليزيه بقت بنصف ثمنها، وعلى فكرة ماكرون اليومين الجايين دول هيقيل ناس تانى ومش هيعجبهم".