قالت الفنانة عبير صبري، إنها لم تعش قصة بعد زواجها الأول، متابعة " أنا عشت حالة عاطفية بعد زوجي الأول مبهجة..لكنها مش حب.. طبيعتي متطرفة جدًا لما بحب".
وتابعت "صبري" خلال لقائها في برنامج "الستات مايعرفوش يكدبوا" المُذاع على قناة " CBC" اليوم، "الرجاله بيغيروا للأسوأ.. ودلوقتي في المرحلة دي بقى عقلي حاضر في كل المعادلات، ولما الست تعرف تقود نفسها وتحافظ على كيانها مستحيل حد ييجي يستعمرها".
وأضافت عبير صبري، "أنا مش هدخل تجربة مرهقه تنهكني لأن بيبقى فيه علاقات مرهقة.. وفيه أشخاص ممكن تحبيهم بالعشرة والتعود.. مافيش حاجه اسمها علاقة أبدية.. ولكن في التعامل بذكاء لاستمرار العلاقة لفترة أطول".