علّق الإعلامي جابر القرموطي، اليوم الثلاثاء، على تنظيم كلية الاقتصاد المنزلي بجامعة المنوفية، عرضا للأزياء بتصميم أبناء الكلية من الفرقة الرابعة بقسم الملابس والنسيج، قائلا "والله حاجة كويسة، على الأقل مش ماسكين مولوتوف، ولا طوب ولارافعين شعارات، ولا لهم دعوة بالسياسة من قريب أو بعيد، الناس دي عملت شغلها بس".

وأضاف القرموطي، عبر برنامجه مانشيت على شاشة أون تي في، "فؤجئنا النهارده بحالة سخرية على مواقف التواصل الاجتماعي على العرض الذي تم إقامته بالكلية، ومش عارف الحقيقة ليه، وأنا مش بفهم في الفساتين الحقيقة، بآخد رأي مراتي في هدومي دايما".

وداعب القرموطي فريق العمل الخاص به قائلا "إيه رأيك يا مينا؟، حلو ولا وحش، في حد من الزميلات عندك نعرف رأيه؟ طيب؟ على أي حال، نشكرهم شكرا جزيلا، ونشكر الجامعة على تشجيعها هذه الخطوة، وعقبال لما كلية الإعلام تعمل قسم لملابس المذيعات والمذيعين، نبقى نيجي نتفرج علشان نعرف المسائل ماشية إزاي؟".