دخل فصل الصيف فجأة كالعادة على الشعب المصري، وده بيفكرني بدخول العام الدراسي الجديد كل سنة، ووزارة التربية والتعليم ملحقتش تطبع الكتب المدرسية.

طبعا إحنا في القرن الواحد والعشرين، ولا يخفى عليكم كمية اختراعات الشركات لمكافحة العرق، بس تقريبا الموضوع ده بعيد شوية عن تفكير ناس كتير.

حطيت لكم شوية قواعد لمكافحة العرق . 
(1) ابتعد عن الأماكن الزحمة في مصر وطبعًا ده  مستحيل. 

(2)? المية لسة ببلاش في مصر، فلو سمحتم اصحوا بدري نص ساعة عن ميعادكم وخدوا  دُش. 

(3)? تقريبا يعني بلاش تلبس نفس قميص إمبارح، وإنتي ياريت تغيري البلوزة برضو . 

(4) وبمناسبة البلوزة أنصحك بالابتعاد عن الأقمشة الحريرية والكارينا. 

(5)? استعملوا أرخص مزيل لرائحة العرق يبدأ من 15 جنيه (بيقعد شهرين) يعني الشهر بسبعة جنيه ونص والله. 

(6)? الرجالة والستات ياريت لو نلبس تيشيرتات أو بمعنى أصح فانلات داخلية بنص كم تحت الهدوم. ليه؟ عشان تمتص العرق ومتظهرش فجأة في وشنا في الشارع. 

(7)? أنصح أصحاب البشرة الدهنية بالابتعاد عن الرياضة الصباحية مطلقا (مثال) الجري ورا الميكروباص والأتوبيس ، لأن ده كده خلاص يومه عدا.. حتى لو أخد دش في مكتبه أصلا. 

(8) الابتعاد التام عن تناول الحلبة واللحوم الصناعية، وطبعا البسطرمة بعيد عن الشعب لأن الكيلو بـ 100 جنيه أصلا . 

(9)? عربات مترو الأنفاق أكبر مثال على فشل المقال ده. 

كبسولة المقال ( دش كل يوم - غير هدومك - مزيل رائحة - أبعد عن الناس). 

اقرأ أيضا

شاهد