هاجم السيناريست عمرو سمير عاطف، أنباء تكاليف إنتاج المسلسلات في رمضان، مؤكدا أنها "هري" يتكرر في كل مرة مع اقتراب الموسم الدرامي الرمضاني.

وكتب عاطف عبر حسابه على "فيس بوك"، اليوم الإثنين: "اقترب رمضان واقترب معه الهري اللي اسمه تكاليف إنتاج المسلسلات وأجور الفنانين، وقبل ما تهيص خليني أفهمك أكتر من حقيقة، انت مش واخد بالك منها، أو واخد ومقرر تطنشها عشان تلاقي أي حاجة تفش فيها غلك وتحسسك إنك مظلوم وكده، بدل ما تتكلم عن مشاكلك الحقيقية بجد، لأنك خايف أو ما تقدرش.. المسلسلات سلعة يتم تصديرها، وهي تقريبا الشيء المصري الوحيد، الذي يتم صناعته في مصر، وبالرغم من ذلك يصدر للخارج".

وأضاف: "تكاليف إنتاج المسلسلات تساوي 5% من تكلفة استيراد الأطباق الصيني من الخارج، و1% من تكلفة استيراد الفول و10% من تكلفة استيراد السجائر، وتكلفة إنتاج المسلسلات عبارة عن أجور المصورين وإيجارات لأماكن ومعدات مصرية، أو يمتلكها مصريون، الممثل بياخد أجره وفقا لإقبال الجمهور عليه، متضايق قوي إنه بياخد كتير وشايفه ما يستاهلش، ما تتفرجش عليه، وبكده أجره هايقل ومش هايحرقك تاني، صناعة الدراما التليفزيونية ابتدت تتطور وتقدم أعمال يجب عليك كمصري أن تكون فخور بها".

يذكر أن عمرو سمير عاطف، كتب مسلسل "بعد البداية"، الذي يعرض في رمضان المقبل، بطولة طارق لطفي، وخالد سليم، ودرة.