تبدأ فعاليات مهرجان "أشطورة" للموسيقى، في رأس سدر، في 10 أبريل الجاري ويستمر لمدة 3 أيام، ويشارك فيه عدد من الفنانين منهم علاء عبدالحميد، الذي سيقدم  تشكيلة من أفضل التماثيل في أشطورة خلال هذا العام.

كما يشارك فنان الجرافيتي "عمار أبو بكر"، الذي يستعد لتجهيز مفاجأة لأشطورة. وهو حاليا مقيم بقرية "أشطورة" قبل بدء المهرجان بأسبوع كامل، لتجهيز خيمته هناك.

قال منظمو المهرجان، عبر الدعوة الخاصة به على موقع التواصل الاجتماعي "فيس بوك": "3 أيام في كون مؤقت بنحتفل بميلاد حاجة جديدة، حاجة صُغيّرة بس إنت ما تعرفش ممكن تعمل إيه .. والأكيد إننا هنحتفل، بكُل اللي هيقابلنا .. إحنا هنا! في المكان اللي ابتدت فيه كُل، البدايات، بنحتفل بطاقة الوجود اللي مابتخلصش، طاقة وجودنا، اللي خلقت قوة مالهاش حدود اللي هتّهز الأرض في مجرى سيل، القديم في راس سدر، قرية أشطورة سُكانها فنانين وأراجوزات وناس بتعمل مزيكا، وعرايس كبيرة، ومعماريين وحبّيبة ومُهندسين وصنايعية ودكاترة وكهربائية، وعندك ناس بتطلع جبال وناس بترقص ومخلوقات، من كُل الأنواع، فيهم اللي تايه وفيهم اللي حالم وفيهم اللي رماه".

وتابع منظمو المهرجان: "كُن موجودا في كون مؤقت، تعالَ كُن جُزءا من الإحتمالات اللي، مُمكن تحصل، مافيش أكيد، كُله يمكن؛ يمكن حياتك كُلها تتغيّر، يمكن تتعرف على ناس جديده، يمكن تلاقي جواك حاجه ماكُنتش تعرفها. هات معاك جاكيت الفرحة وطربوش السعادة وسيب هنا تابوت مشاكلك، وماتنساش تجيب معاك شبشب الهنا ومايوه المحبة، علشان إحنا هننزل بالصوص".

يقول القائمون على المهرجان في وصفه والهدف منه: "أشطورة تجمع يضم موسيقيين وفنانين بصريين وأي حد عنده شغف بالتغيير. المهرجان هو احتفال بالمبادرات المستقلة وبالأحلام الشابة بنحلم بمجتمع مبني على التعاون وبيدعم الأفكار المختلفة. مشاركتك حتساعدنا نحقق الحلم ده".