شن الإعلامي محمد شردي، هجوما حادا على المحامية أمل علم الدين، بسبب مطالبتها بمقابلة الرئيس عبد الفتاح السيسي، أو رئيس الوزراء إبراهيم محلب، للنقاش معهم حول قضية صحفي الجزيرة، قائلا: "إنتي مين عشان تقابلي رئيس الجمهورية، يعنى إنتي علشان مرات جورج كلوني جاية وعاملة نفسك نجمة سينمائية تقابليه بصفتك إيه جرى إيه يا ماما ما ينفعش".

ووجه شردي، خلال تقديمه برنامج "90 دقيقة" الذى يعرض على شاشة "المحور"، مساء السبت ، حديثه لـ"علم الدين"، قائلا: "إنتي ولا شيء.. ما تروحي الأول لبنان يا أمل، مش عندكوا في بلدكوا في بلاوي بتحصل ومحتاجة محاميين، هما بس ما بيقدروش يدفعوا زي الجزيرة، هما هيدفعولك أقل من الجزيرة، ولو إنتي بتعتبري نفسك لبنانية، إنما إنتى أساسا معاكي الباسبور الفرنساوي، أعتقد إن بيروت وقضاياها أولى، وبم إن المسألة كده وده الموكل بتاعك، أشوفك بقي في محكمة من محاكم القاهرة".

واختتم حديثه، قائلا: "ما تيجي تحضري معانا جلستين حلوين كده، عشان المحاميين المصريين يتفرجوا على الأداء بتاع هذه المحامية الفرنسية مرات نجم هوليوود اللي باعتة لوكالات الأنباء طلب لمقابلة رئيس الجمهورية ورئيس الوزراء المصري، عشان تناقشهم في قضية المعتقلين عشان تعمل شو إعلامي.. مش بقول لكم عايزين انشراح".