<p>حضر أمس الخميس، عدد من شعراء الديوان المجمع "الصحبجية"، حفل توقيع ديوان الشاعرة دعاء عبدالوهاب "روح إزاز"، ومن بينهم الشاعر ضياءالرحمن، صاحب ديوان "عربي مكسر" الصادر أيضا عن دار دون للنشر والتوزيع.</p><p><br />وقال ضياء، في تصريح خاص لـ دوت مصر عن ديوانه: "عربي مكسر  ديواني الأول، وهو شايلني، وفيه مني كتير، خاصة فكرة التناقض، لأني مش فارس ولا فتى أحلام، وأعتقد إن مفيش أصلا فرسان أو فتيان أحلام".</p><p><iframe allowfullscreen="" frameborder="0" height="360" src="//www.youtube.com/embed/ziS4J1nxEn4" width="640"></iframe></p><p>وتابع ضياء: "اسم الديوان جه من الكلام العربي المكسر، وكريم آدم قدر من خلال تصميمه للديوان، يوضح فكرة النصين اللي جوه كل واحد فينا وهما: نص بيضحك والتاني زعلان".</p><p><br />وأضاف فيما يتعلق بـالإقبال على المعرض: "الإقبال أعلى من سنين فاتت، لأن الشباب جايين متحمسين لناس بعينها عشان يسمعوهم ويوقعوا كتبهم، رغم إن مفيش تنظيم للموضوع أصلا، والدولة غايبة كالعادة، فبالتالي الناس هي اللي عاملة كل حاجة وهي اللي بترتب كل حاجة".</p><p><br />غنى لضياء الرحمن العديد من الفرق الموسيقية، أهمها "بلاك تيما"، "سلالم"، "ليل وعين"، ومن أهم أغانيه "إنسان"، "لعله خير"، ومن أبرز قصائده المناصرة للقضية النوبية، التي غنتها فرقة بلاك تيما قصيدة "النيل تابوت ".</p><p><br />كتب ضياء سيناريو أول فيلم ميوزيكال بمعهد سينما، بعنوان "روح القمح" إخراج هافال قاسو، وشارك في كتابة سيناريو فيلم "صباح بكر" للمخرجة أمينة عز العرب، الذي عرض بالعديد من المهرجانات خارج مصر، كما كتب كلمات عرض "حلم بلاستيك" إخراج شادي الدالي، إضافة إلى كتابته عرضا غنائيا بعنوان "الأحلام" لمسرح الدولة.</p><p><span style="color:#0000FF;">من قصائد ضياء الرحمن:</span></p><p><br />"أنا مش فارس ولا فتى أحلام<br />أنا زحمة وربكة وشغل جنان<br />أنا شيخ فلتان<br />طيب شرير وجريء وجبان<br />نص بيضحك والتاني زعلان<br />أوقات مشرق وأوقات بهتان<br />ف ساعات سلم وساعات تعبان<br />مفتري جدا وكمان غلبان<br />شبابيك وبيبان<br />توهة عنوان<br />أنا م الآخر عفريت لابس بدلة إنسان<br />أنا.."</p>