نعى الإعلامي عمرو أديب، أمس الثلاثاء، الطيار الأردني معاذ الكساسبة، الذي تم إعدامه حرقاً على يد تنظيم داعش، مشيراً إلى أن الشهيد هزم النار وعاش بطلاً ومات بطلاً.

وأصر "أديب"، عبر برنامجه القاهرة اليوم على شاشة اليوم، على إذاعة فيديو حرق الطيار الأردني معاذ الكساسبة، قائلًا:"أنا عاوز الناس تشوف اللي عمله الكساسبة هذا البطل وهو واقف وثابت وده درس.. ولازم تشوفوا وتعرفوا الجماعات الإسلامية دي عاملة إزاي وولاد الإخوان عاملين إزاي وتربيتهم.. ولازم تكرهوهم".

وقال أديب "المرة دي اللي بيتقتل طيار مسلم في عمر الزهور والولد واقف لآخر لحظة هادي ورافع رأسه وبيقرأ قرآن.. هو بطل وعلم كل الناس الثبات.. وإحنا بنكرم الكساسبة، كلكم على واحد بس، هو ده الدين الإسلامي؟، هو ده التعامل مع الأسرى كما أمر الله ورسوله الكريم؟".

واستطرد أديب قائلاً "الراجل ده كان قوي، وبيتهيألي الراجل ده هزم النار، بيقرأ القرآن في اللحظات الأخيرة، أتعلم يا مسلم، شهيد بطل، كان أقوى من أي حد، هما خايفين منه، شوية كلاب واللي حصل النهاردة معجزة، بيولعوا فيه، وبيرموا عليه الطوب، علشان يتأكدوا أنه مات، ياريت كل واحد يشوف الفيديو من الذين ينادون بالسلمية، سلمية مين؟".

وتابع أديب" العين بالعين، والسن بالسن، وشهداؤنا اللي ماتوا فى سيناء على يد فرع داعش الذي أحضره محمد مرسي إلى مصر، لازم حقهم يجي بإعدام كل اللي فى السجون، الذين تسببوا في إراقة دماء أبنائنا زي ما عملت الأردن، والناس لازم تفهم أن الهدف إثارة الجدل والغضب في عائلة الكساسبة، وإشعار الناس بأن الحكومة الأردنية لم تكن جادة في مفاوضاتها لإطلاق سراح معاذ، ولكن هذا لم يحدث، هي مجرد محاولة للوقيعة".