هاجم الإعلامي محمد شردي، اليوم الأحد، الكاتب والروائي بلال فضل، والدكتور عمرو حمزاوي، الخبير السياسي، وخالد علي الناشط والمحامي الحقوقي، بسبب معارضتهم للنظام الحالي، وسط أعمال العنف التي ترتكبها جماعة الإخوان، قائلاً" لو مش موافق على السيسي ومش موافق على اللي بيحصل، اركنوا شوية على جنب، أبوس دماغكم، وياريت تشوفوا اللي بيموتوا الشرطة".

وأضاف شردي عبر برنامجه 90 دقيقة على شاشة المحور قائلاً" ياريت مش كل واحد يعمل عنتر، وهي بتولع، ما يعملش عنتر وأحنا مش لاقين نأكل، دي مفيهاش عنتر، فى ناس مش لاقية تأكل، ولا بيوت تقعد فيها".

وأوضح شردي "دول ما يعرفوش عمرو حمزاوي ولا بيقرأ لبلال فضل، بيقضي يومه بلقمة جبنة قديمة، وقرص طعمية، مش بيجيلوه أوبن بوفيه أو دعوات للخارج، دول اللي عايزين نأخد بالنا منهم، بعد لما يتحقق الكلام ده، ننزل كلنا مع بعض ننظم رحلة كلنا ونروح نتظاهر، ونعمل ويك آند للمظاهرات، خلاص ماحدش وراه حاجة يعملها".
وعرض شردي فيديو لقيام بعض العناصر الخارجة عن القانون بإطلاق النار على كمين أمني أعلي محور 26 يوليو، وظهر فيه بعض الملثمين يقودون سيارة ويحملون رشاشاً ويطلقون النار علي كمين الشرطة.