هاجم الإعلامي، جابر القرموطي، قرار مجلس الوزراء الأخير، برفع الدعم عن القطن المصري، واعتبر القرار بمثابة جنازة للقطن المصري ونهاية له، وقام القرموطي بعمل صندوق يحمل كمية من القطن ومكتوب عليه "تشييع جنازة القطن المصري"، مضيفا: الوزير بيقولك أنا مش فاضي للقطن طويل التيلة، أنا عايز أزرع فراولة ومانجة.

وتابع القرموطي خلال برنامجه مانشيت، على فضائية أون تي في، مساء اليوم الأربعاء:" ده أسوء قرار بتاخده بالنسبة للفلاحين، الفلاح مش قادر يتنفس، أحنا قعدنا ندور على قطن في القاهرة مالقناش، ولما روحنا للمنجد قالنا كل القطن اللي عندي دي مش مصري، ومبقاش في حاجة اسمها قطن مصري أصلا.