مشروع مروة ومنة على كوبرى ستانلى

حلوى من صنع منة ومروة

تحدثت مروة لـ"دوت مصر"، عن سبب تفكيرها هى وصديقتها منة فى المشروع، حيث قالت "إحنا الاتنين هوايتنا عمل الحلويات والمعجنات سواء فى أعياد الميلاد والعزومات الخاصة بالعيلة، وكان كل الناس بتشجعنا وبتشكر فى أكلنا، وده شجعنا أكتر إننا نفكر، نستغل موهبتنا فى عمل الحلويات والمعجنات، بإنشاء مشروع صغير، لكن فى الوقت ده كانت انتشرت كورونا فى البلد، واضطرينا نوقف المشروع لفترة، بعد انتهاء فترة الحظر، رجعنا تانى ونفذنا مشروعنا".

بعض الحلوى

بيتزا

وعن الأصناف التى تقدمها منة ومروة، قالت الأخيرة "إحنا بنعمل كوكيز وبيتزا وسينابون وكل أسبوع بنعمل صنف جديد يعنى مرة نعمل كب كيك ومرة تشيز كيك ومرة دوناتس ومرة تورتة السينابون، والحمد لله كل الأصناف بتعجب الناس وبيطلبوها بالاسم".

مشروع مروة ومنة

منة ومروة على كوبرى ستانلى

وأشارت مروة إلى أن ردود فعل المارة جعلتهما يتشجعان فى استمرار مشروعهما، حيث قالت "رد فعل الناس، رائع جداً ومشجع وحتى اللى مش بيشترى مننا بيدعى لنا ويحفزنا على الاستمرار، والحمد لله عملنا زبائن وبقينا معروفين فى المكان".

منة ومروة

لم يتوقف حلم الصديقتان، منة ومروة، عند مشروعهما الصغير، بل يحلمان بأكثر من ذلك، وعبرت مروة عن حلمها، قائلة "إحنا بنحلم بعمل مطعم متنقل حتى ولو صغير فى الأول، ونلف بيه إسكندرية كلها".